Fłahmanskija centry ekstranaj miedycynskaj dapamohi buduć arhanizavany na bazie Minskaha navukova-praktyčnaha centra chirurhii, transpłantałohii i hiematałohii, Haradskoj balnicy chutkaj miedycynskaj dapamohi, 10‑j haradskoj kliničnaj balnicy. Pra heta paviedamiŭ staršynia Kamiteta pa achovie zdaroŭja Minharvykankama Juryj Horbič, pišuć Minsk-Naviny.
— Sens fłahmanskich miedcentraŭ zaklučajecca ŭ tym, kab žychary horada Minska atrymlivali ekstranuju dapamohu maksimalna efiektyŭna i chutka, — adznačyŭ Ju. Horbič. — I kab nie ŭźnikali situacyi, kali doktar nie paśpiavaje da pacyjenta, jakomu patrebna stabilizacyja stanu, jak kažuć, «tut i ciapier», z-za akazańnia dapamohi čałavieku z bolš stabilnym stanam.
Pavodle słoŭ Ju. Horbiča, fłahmanskija centry ekstranaj miedycynskaj dapamohi buduć abstalavanyja sučasnymi pryjomnymi adździaleńniami i adździaleńniami karotkaterminovaha znachodžańnia.
— Vielmi važna, kab na praciahu adnych sutak možna było vyznačyć, kudy paśla akazańnia miedycynskaj dapamohi nakiravać pacyjenta: dadomu, u reanimacyju ci ŭ standartnaje adździaleńnie, — praciahnuŭ Ju. Horbič.
Pavodle jaho słoŭ, na ŭvachodzie ŭ pryjomnaje adździaleńnie pacyjenty buduć padzielenyja pa patokach.
Pryjarytetny — «čyrvony» (dla ludziej z žyćciova pahroźlivymi situacyjami). Miedycynskaja dapamoha takim ludziam budzie akazvacca nieadkładna — u adździaleńniach, maksimalna nabližanych da reanimacyjnych. Heta značyć, pacyjenta z «čyrvonaha» patoku ŭ pieršuju čarhu nieabchodna stabilizavać.
«Žoŭty» patok — dla pacyjentaŭ, čyj stan dastatkova surjozny, ale dapamoha im moža być adkładziena. Inšymi słovami, u daktaroŭ jašče jość čas, kab pravieści dyjahnostyku.
«Zialony» patok — adnosna lohkija pacyjenty, jakija źviarnulisia ŭ kliniku samastojna.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary