Vajskoŭcy Izraila zajavili, što ŭ vyniku apieracyi byli zabityja kamandziry ŭzbrojenych farmavańniaŭ CHAMAS i «Isłamskaha džychadu». Ułady siektara Haza, u svaju čarhu, paviedamili pra bolš jak 20 zahinułych, siarod jakich troje dziaciej, paviedamlaje Euronews.
Pavodle izrailskaha boku, adzin z udaraŭ pryvioŭ da likvidacyi kamandzira ŭzbrojenaha padraździaleńnia CHAMAS, jakoha ličać adkaznym za hibiel zakładnicy Noa Marcyjana. Jaje vykrali z vajskovaj bazy Nachal-Oz padčas napadu 7 kastryčnika 2023 hoda, a paźniej zabili ŭ paleścinskaj balnicy aš-Šyfa. Taksama Armija abarony Izraila zajaviła pra źniščeńnie jašče dvuch kamandziraŭ — adnaho z CHAMAS i adnaho z «Isłamskaha džychadu» — padčas udaraŭ u roznych rajonach ankłava.
Paleścinski bok śćviardžaje, što avijaŭdary byli nibyta naniesienyja pa namiotavych łahierach, dzie znachodzilisia mirnyja žychary. Na fonie bajavych dziejańniaŭ była časova spynienaja evakuacyja pacyjentaŭ praz pamiežny pierachod «Rafach» u Jehipiet, jaki niadaŭna adnaviŭ pracu ŭ miežach damoŭlenaściaŭ ab spynieńni ahniu pry pasiarednictvie ZŠA.
CHAMAS abvinavaciŭ Izrail u parušeńni dasiahnutych pahadnieńniaŭ. Izrailski ž bok zajaŭlaje, što paśla viartańnia ŭsich zakładnikaŭ — jak žyvych, tak i zahinułych — hałoŭnaj metaj stała poŭnaje razzbrajeńnie CHAMAS. Vajskoŭcy Izraila taksama paviedamlajuć pra pastajannyja abstreły z boku bajevikoŭ u rajonie tak zvanaj «žoŭtaj linii» i śćviardžajuć, što ŭzbrojenyja hrupy vykarystoŭvajuć mašyny chutkaj dapamohi dla pieravozki ludziej i zbroi, a taksama chavajucca siarod mirnaha nasielnictva ŭ łahierach pieramieščanych asob.
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
CACHAŁ paćvierdziŭ, što zahinuła 70 tysiač žycharoŭ Hazy. Heta ŭ 50 razoŭ bolš, čym ad ruk CHAMASa ŭ dzień ataki na Izrail
Izrail viarnuŭ ź siektara Haza cieła apošniaha zakładnika
Kamientary