Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
Kanflikt pamiž izrailskimi ŭładami i najbujniejšaj humanitarnaj misijaj śvietu zaviaršyŭsia žorstkim rašeńniem: arhanizacyja «Lekary bieź miežaŭ» (MSF) musić całkam zharnuć svaju dziejnaść u siektary Haza da kanca lutaha. Izrail zabaraniŭ miedykam pracavać u rehijonie paśla taho, jak jany admovilisia vykanać patrabavańnie siłavikoŭ — pieradać pašpartnyja źviestki ŭsich svaich supracoŭnikaŭ, uklučajučy miascovy paleścinski piersanał.
Izrailskaje Ministerstva pa spravach dyjaspary nastojvaje, što heta standartnaja pracedura «biaśpieki i prazrystaści», zaklikanaja vyjavić suviazi humanitarnych rabotnikaŭ z terarystyčnymi hrupami. Adnak dla lekaraŭ takoje patrabavańnie stała «čyrvonaj linijaj», piša vydańnie The Insider.
Pradstaŭniki arhanizacyi patłumačyli, što paśla šmatmiesiačnych pieramoŭ Izrail tak i nie daŭ nijakich harantyj biaśpieki dla ludziej z hetych śpisaŭ. U situacyi, kali miedyki ŭ Hazie pastajanna sutykajucca z zapałochvańniem, advolnymi zatrymańniami i hibiellu, vydača asabistych źviestak vajskovamu viedamstvu vyhladaje jak pramaja pahroza dla žyćcia piersanału.
Pazicyja «Lekaraŭ bieź miežaŭ» hruntujecca na žachlivaj statystycy: z kastryčnika 2023 hoda ŭ rehijonie zahinuli ŭžo 1700 miedycynskich rabotnikaŭ, siarod jakich 15 byli supracoŭnikami samoj arhanizacyi.
Vydańnie The Insider sa spasyłkaj na izrailskija krynicy cytuje ministra Amichaja Šykli, jaki abvinavaciŭ miedykaŭ u kaardynacyi z CHAMAS i naŭmysnym chavańni terarystaŭ siarod piersanału. Ale sami humanitaryi miarkujuć, što za hetymi abvinavačańniami staić sproba źniščyć niezaležny kantrol nad tym, što adbyvajecca ŭ balnicach.
Nastupstvy hetaha rašeńnia dla mirnaha nasielnictva buduć katastrafičnymi. «Lekary bieź miežaŭ» pracujuć u rehijonie z 1988 hoda i za hety čas stali sapraŭdnym padmurkam miascovaj miedycyny. Tolki letaś arhanizacyja zabiaśpiečyła piatuju častku ŭsich balničnych łožkaŭ u Hazie i na Zachodnim bierazie, a jaje lekary pryniali kožnyja trecija rody. Ahułam za hod miedyki praviali kala 800 tysiač kansultacyj.
Chto budzie vykonvać hetuju pracu paśla adychodu arhanizacyi ŭ sakaviku — zastajecca nieviadomym.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary
Eto vražda tysiačieletniaja. Amierika jeho pokryvajet, zdieś biez variantov, palestincam nado po priedłožieniju priezidienta Trampa pieriebiraťsia na novyje ziemli.