Dziaržbiaśpieka Litvy papiaredziła ab pravakacyjach z boku biełaruskich śpiecsłužb
Departamient dziaržaŭnaj biaśpieki Litvy zaklikaje nie paddavacca na pravakacyi biełaruskich śpiecsłužbaŭ i padkreślivaje, što za škodnickuju dziejnaść z boku inšaj dziaržavy pahražaje kryminalnaja adkaznaść, piša Delfi.lt.
11 lutaha na svajoj staroncy ŭ Facebook DDB źviarnuŭ uvahu na toje, što ŭ sacyjalnych sietkach raspaŭsiudžvajuć videa z YouTube, jakoje źniali biełaruskija śpiecsłužby. Na videa pa-litoŭsku havorycca ab prablemach, «stvoranych niespraviadlivymi dziejańniami ŭrada». Achvotnym abmierkavać heta prapanujuć pa «biaśpiečnym kanale» źviazacca z KDB Biełarusi.
«DDB papiaredžvaje i prosić nie paddavacca na pravakacyju i nie ŭviazvacca ŭ škodnuju dziejnaść zamiežnaj dziaržavy, bo za heta pahražaje kryminalnaja adkaznaść.
DDB nahadvaje, što rasijskija i biełaruskija śpiecsłužby aktyŭna vykarystoŭvajuć sacsietki ŭ pošuku patencyjnych ahientaŭ, pravodziać vierbavańnie i padtrymlivajuć ź imi suviaź, i zaklikaje, kali ŭźnikli padazreńni nakont sprobaj vierbavańnia abo padazreńniaŭ, štosočać śpiecsłužby varožych dziaržaŭ, infarmavać pra heta litoŭskuju raźviedku.
DDB zaklikaje tych, chto žyvie ŭ Litvie i ŭžo ŭviazaŭsia ŭ dziejnaść rasijskich abo biełaruskich śpiecsłužbaŭ abo atrymaŭ prapanovu ab supracoŭnictvie, źviarnucca ŭ DDB i skarystacca mahčymaściu pa zakonie paźbiehnuć kryminalnaj adkaznaści».
Kamientary