«U ruskaj movie niama takoha imia». Biełarus zmahajecca z ZAHSam, kab nie źmianiać dačce imia ŭ pašparcie
Siamja abrała dla svajoj dački kultavaje biełaruskaje imia — Paŭlina. Ale voś biada: u ZAHSie nie dajuć zapisać dziaŭčynku tym ža imiem u ruskaj movie, prapanujuć Pavlinu.
Pra svaju prablemu biełarus raskazaŭ u Threads. Jon piša, što daviałosia mieć ažno dźvie doŭhija razmovy ŭ ZAHSie pra toje, što jon žadaje nazvać dačku Paŭlina i pieradać hetaje imia ŭ ruskaj viersii jak «Paulina».
Sistema, adnak, nie žadaje iści nasustrač. Jamu kažuć, što takoha imia ŭ ruskaj movie niama, i prapanujuć «Pavlinu».
«Ale ž ja nazyvaju dačku biełaruskim imiem. Čamu pa-rusku jana pavinna zvacca adpaviednikam hetaha imia? Ja nie razumieju. Čamu tut nie prymajecca tranślitaracyja?
Jan ža nie stanovicca Ivanam, a Ivan — nie Džon».
U ZAHSie, kaža mužčyna, pytajucca, navošta jon abraŭ takoje imia. I prapanujuć prychodzić, kali jon znojdzie ŭ słoŭniku «Paulinu».
«Nie viedaju navat, što rabić. Budu šukać słoŭniki, moža, u jaki Instytut movaznaŭstva hrukacca i pytacca, čamu mienavita tak: tolki adpaviedniki, a tranślitaracyi niama».
Toje, jak u našaj krainie možna nazyvać dziaciej, rehuluje Kodeks ab šlubie i siamji. Pavodle artykuła 69, ZAHS nie moža admović baćkam u rehistracyi dziciaci z tym imiem, jakoje jany abrali, kali tolki toje imia nie supiarečyć normam hramadskaj marali i nacyjanalnym tradycyjam. Taksama dziciaci mohuć dać maksimum padvojnaje imia — pra trajnoje imia i bolš ekzatyčnyja viersii možna nie dumać.
Jość i instrukcyja pa tym, jak pieradavać imiony i proźviščy biełaruskich hramadzian na łacinicy. A voś toje, jak pieradavać biełaruskija imiony ŭ dakumientach pa-rusku, nijak nie rehłamientavana — kančatkovaje rašeńnie zastajecca za supracoŭnikami ZAHSaŭ.
Admietna, što ŭ 2023 hodzie ŭ Homieli jakraz-taki dali dziaŭčyncy imia, jakoje pa-rusku pisałasia «Paulina». Miascovyja rehistratary nie ŭbačyli ŭ hetym prablemy.
«Naša Niva» — bastyjon biełaruščyny
PADTRYMAĆPobač z Kurhanom Słavy za miljon dołaraŭ pradajuć staruju bazu adpačynku. Što heta za abjekt?
«Vysłuchaju vaša nyćcio. Doraha». Dypłamavany śpiecyjalist Illa Dabratvor prapanuje psichałahičnyja kansultacyi
Amierykanski fihuryst vykanaŭ na Alimpijadzie elemient, jaki 50 hadoŭ byŭ zabaronieny, — za jaho nie dajuć bałaŭ, ale hledačy ŭ zachapleńni VIDEA
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
kałanijalnaja chvaroba, treba kazać tam - a vy Džona Śmita budzicie Ivanam Kuźniecovym taksama zapisvać. U mianie dzieci z EZ, tamu zapisali jak im skazaŭ pisać- Litvinskaj łacinkaj
Rodiłaś 12 oktiabria 1988 hoda v Leninhradie.
Pośle okončanija škoły postupiła na fakultiet žurnalistiki Sankt-Pietierburhskoho hosudarstviennoho univiersitieta, proučiłaś 2 hoda i ujechała v Moskvu, hdie postupiła v Škołu-studiju MCHAT.
Podrobnieje na Kino-Tieatr.RU https://www.kino-teatr.ru/kino/acter/w/ros/233660/bio/"