U studzieni 2026 hoda vałavy ŭnutrany pradukt (VUP) Biełarusi skaraciŭsia na 1,2% u paraŭnańni z studzieniem 2025 hoda. Pavodle źviestak Biełstata, abjom VUP skłaŭ 23,3 miljarda biełaruskich rubloŭ, a indeks-deflatar, jaki adlustroŭvaje ŭzrovień inflacyi, skłaŭ 109,9%.
Spad VUP adbyŭsia hałoŭnym čynam z-za źnižeńnia vytvorčaści ŭ pramysłovaści: abjom vytvorčaści skłaŭ 16,6 młrd rubloŭ u ciapierašnich cenach, ci 96,6% ad uzroŭniu studzienia 2025 hoda.
Asobnyja siektary raźvivalisia pa-roznamu: hornazdabyŭnaja — 98,7%, apracoŭčaja — 92,5%, enierhazabieśpiačeńnie — 117,5%, vodazabieśpiačeńnie i ačystka — 97,1%.
Taksama źmienšyŭsia abjom hruzapieravozak — na 0,5%.
U toj ža čas sielskaja haspadarka pakazała rost: vytvorčaść sielhaspradukcyi pavialičyłasia na 3,5%, da 1,94 miljarda rubloŭ, hałoŭnym čynam dziakujučy bujnym sielhasarhanizacyjam, dzie rost skłaŭ 3,8%. U žyviołahadoŭli adznačajecca pavieličeńnie vytvorčaści žyvioły i ptuški na 4,3%, nadoi małoka ŭzraśli na 3,3%, a vytvorčaść jajek — na 0,5%.
Studzieńskaje padzieńnie VUP stavić pad pytańnie mahčymaść dasiahnieńnie hadavych prahnoznych pakazčykaŭ. Zhodna z Płanam sacyjalna-ekanamičnaha raźvićcia Biełarusi na 2026 hod, zaćvierdžanym Savietam Ministraŭ i Łukašenkam, praduhledžvajecca rost VUP na 2,8%.
VUP Biełarusi vyras u try razy mienš, čym płanavałasia. Čamu tak i čaho čakać ad 2026-ha?
Rasija dazvoliła Biełarusi zapłacić $250 miljonaŭ pa kredytach paźniej
Ministr ekanomiki: VUP Biełarusi dasiahnuŭ 88,6 młrd dalaraŭ
VUP za piać hadoŭ płanujuć pavialičyć na 15,8 pracenta
Łukašenka paskardziŭsia, što situacyja ŭ Biełarusi «padobnaja da abłožanaj krepaści»
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary