Košt adnoj akcyi IT-kampanii, u jakoj pracuje šmat biełarusaŭ, pa vynikach tarhoŭ 19 lutaha apuściŭsia da 139,16 dalara. Heta najnižejšy ŭzrovień sa studzienia 2019 hoda.
19 lutaha akcyi EPAM stracili ŭ canie až 17%. Pa vynikach tarhoŭ 19 lutaha jany patańnieli da 139,16 dalara.
Nahodaj dla piesimizmu inviestaraŭ stała statystyka kampanii za čaćviorty kvartał 2025 hoda i prahnozy vyručki na 2026 hod. Adnak pryčyna padzieńnia akcyj hetaha IT-hihanta — u ahulnym skiepsisie adnosna zdolnaści takich vytvorcaŭ prahramnaha zabieśpiačeńnia, jak EPAM, prystasavacca da novych realij, kali prahramavać vučycca štučny intelekt.
Pika koštu akcyi EPAM byli dasiahnuli pry kancy 2021 hoda — kala 700 dalaraŭ za akcyju.
Pieršaje mocnaje i praciahłaje padzieńnie cany adbyłosia ŭ lutym-sakaviku 2022 hoda na fonie napadu Rasii na Ukrainu: kampanija była mocna prysutnaja jak u Biełarusi, tak i ŭ inšych krainach uschodu Jeŭropy, i heta vyklikała niepakoj inviestaraŭ.
Dva hady nazad, u lutym 2024 hoda, akcyi EPAM tarhavalisia na ŭzroŭni ad 290 da 310 dalaraŭ za štuku.
Hod nazad, u lutym 2025 hoda, cana EPAMaŭskich akcyj mocna skakała — u rajonie 200—260 dalaraŭ za štuku.
EPAM Systems Inc. vyjšaŭ na Ńju-Jorkskuju biržu 8 lutaha 2012 hoda. Košt IPO składaŭ $12 za akcyju. Kampanija była zasnavanaja ŭ 1993 hodzie vychadcami ź Biełarusi, siarod jakich byŭ Arkadź Dobkin. IPO adbyłosia amal praz 19 hadoŭ paśla zasnavańnia. Kampanija ŭvachodzić u śpis S&P 500.
Kamientary
A kohda stoimosť časa vyrasła v 3 raza i II podjechał to EPAM po suti otchodit v istoriju. On skoro ničieho stoiť nie budiet, rynok i mir mieniajetsia i k etomu nado privyknuť