Heta była maštabnaja treniroŭka pa džampinhu.
U niadzielu na nabiarežnaj Niamihi prajšoŭ International Jumping Convention 2.0. Placoŭka pierad Pałacam sportu pieratvaryłasia ŭ vielizarnuju fitnies-zału pad adkrytym niebam: dniom tut adnačasova skakali na mini-batutach sotni ŭdzielnikaŭ, piša Onliner.by.
Džampinh — heta napramak fitniesu, u jakim praktykavańni vykonvajucca na nievialikim indyvidualnym batucie z ručkaj. Padčas treniroŭki ŭdzielniki skačuć, biehajuć na miescy, prysiadajuć i vykonvajuć inšyja praktykavańni — usio pad muzyku i ŭ rytmie instruktara.
Vonkava heta bolš za ŭsio nahadvaje sumieś hrupavoha fitniesu, tancavalnaj treniroŭki i skačkoŭ na batucie.
U Minsk na mierapryjemstva pryjechali amatary i treniery z roznych haradoŭ Biełarusi, a taksama ź inšych krain. Na vialikaj placoŭcy ŭstalavali mnostva batutaŭ, a treniroŭku pravodzili zaprošanyja prezientary. Udzielniki paŭtarali za imi ruchi, jakija tranślavalisia ŭ tym liku na vialikich ekranach.
Dzionnaja prahrama była pryśviečanaja pieravažna samomu džampinhu — ahulnaj treniroŭcy pad adkrytym niebam i vystupleńniam kamand.
Paźniej byŭ dydžej-set, rok-kancert i śpiecyjalny siłavy błok z barabannymi pałačkami ŭ supravadžeńni barabanščyka.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale12
Kamientary
Zaŭvaha redakcyi za niedakładnaść.)