U Vialikim teatry hałoŭnuju lustru apuściać u zału. Achvotnych zaprašajuć na fotasiesiju
U Vialikim teatry idzie aktyŭnaja padrychtoŭka da novaha siezona. Pakul u teatry pravodziać apošnija padrychtoŭčyja raboty. 94‑y siezon adkryje hała-kancert «Tryumf opiery» 6 vieraśnia.
Adna z samych vidoviščnych častak pracesu — absłuhoŭvańnie hałoŭnaj lustry hladzielnaj zały. Na hety raz joju možna budzie nie tolki palubavacca zblizku, ale i zrabić efiektnuju fotasiesiju na jaje fonie, piša Onliner.by.
Mierapryjemstva zapłanavana na 26 žniŭnia, fotasiesija atrymała nazvu «Chrustalny rakurs». U hety dzień lustru apuściać na ŭzrovień vyciahnutaj ruki. Košt kvitka — 15 rubloŭ, praciahłaść zdymki — 20 chvilin.
Zdymać možna tolki na asabistaje, a nie prafiesijnaje abstalavańnie — telefon abo fotaaparat. Usiaho praduhledžana 6 časavych słotaŭ — z 12:00 da 14:30. Na luby ź ich pakul možna nabyć kvitok, choć kolkaść miescaŭ abmiežavanaja.
Lustra — adzin z važnych simvałaŭ teatra. Jaje zrabili ŭ Lidzie. Dyjamietr — 4 mietry, a vaha — bolš za tonu. Bolšuju častku hoda lustra visić na 8‑m paviersie na tryvałym mietaličnym karkasie. Usiaho na joj 32 000 kryštalnych padviesak i 500 lampačak. Zvyčajna jaje spuskajuć z «pjedestała» ŭsiaho raz na hod.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary