Cichanoŭskaja: U Trampa jość ryčahi, kab vyzvalić biełaruskich palitviaźniaŭ
Demakratyčnaja lidarka Biełarusi źviarnułasia ŭ sacsietcy Ch da prezidenta ZŠA Donałda Trampa i jahonaha śpiecyjalnaha pasłańnika Džona Koŭła nakont mahčymaha vyzvaleńnia biełaruskich palitviaźniaŭ.
Śviatłana Cichanoŭskaja adznačyła, što vysoka cenić ich namahańni što da «zabieśpiačeńnia vyzvaleńnia palityčnych zakładnikaŭ u Biełarusi».
«U Złučanych Štataŭ jość ryčahi ŭpłyvu, kab dapamahčy hetamu ažyćciavicca. Havorka idzie pra vyratavańnie žyćciaŭ ludziej. Kožny dzień maje značeńnie», — napisała jana.
Na minułym tydni litoŭskija ŚMI napisali, što Minsk na hetym tydni pavinien naviedać śpiecpasłańnik Trampa Džon Koŭł. 18 sakavika jon prybudzie ŭ Vilniu, a potym nakirujecca ŭ Biełaruś.
Padčas troch papiarednich vizitaŭ amierykanskich delehacyj u Minsk vyzvalali vialikija hrupy palitviaźniaŭ: 21 červienia byli vyzvalenyja 14 čałaviek, 11 vieraśnia — 51 palitviazień, 13 śniežnia — 123 čałavieki.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
SŠA jedinstviennyje, komu po siłam vytaŝiť politzaklučionnych.