Połacki biznesmien Zacharaŭ, na jakoha zaviali zavočnuju kryminałku, viarnuŭsia ŭ Biełaruś i atrymaŭ 5 hadoŭ kałonii
U jaho i palityčnyja, i ekanamičnyja abvinavačvańni.
Prysud 5 hadoŭ pazbaŭleńnia voli ŭ kałonii va ŭmovach ahulnaha režymu vyniesieny Uładzimiru Zacharavu 28 lutaha 2025 hoda. Sudzili jaho pa dvuch artykułach:
- art. 243 Kryminalnaha kodeksa — uchileńnie ad vypłaty sum padatkaŭ, zboraŭ;
- art. 369‑1 Kryminalnaha kodeksa — dyskredytacyja Biełarusi.
Uładzimir Zacharaŭ u lepšyja svaje časy byŭ bahatym biznesmienam, vałodaŭ vialikaj kolkaściu nieruchomaści ŭ Połacku i Navapołacku. Ale ŭ 2023 hodzie, jak paviedamlałasia ŭ dziaržaŭnych ŚMI, u dačynieńni da jaho byli zaviedzienyja try kryminalnyja spravy, a na majomaść nakładzieny aryšt, u tym liku na 68 abjektaŭ nieruchomaści, 23 ź jakich źjaŭlajucca handlovymi centrami.
Pretenzii da Zacharava ŭźnikali adnosna drabnieńnia biznesu, sam jon, nie čakajučy aryštu, źjechaŭ ź Biełarusi.
Z-za miažy biźniesmien razharnuŭ sapraŭdnuju baraćbu za svaje niemałyja aktyvy. Sprabujučy damovicca jon pisaŭ listy tahačasnamu premjeru Ramanu Hałoŭčanku, kiraŭniku KDB Ivanu Ciercielu, staršyni Savieta Respubliki Natalli Kačanavaj i inšym.
U ich jon nazyvaŭ apazicyju «žopazicyjaj» i zapeŭnivaŭ, što jaho «pazicyja pa pytańniach historyi i sučasnaj prablematyki (temy Ukrainy)» poŭnaściu supadaje z pazicyjaj dziejnaj ułady ŭ Biełarusi. Asobnyja z hetych listoŭ my publikavali.
Vyhladaje, što Zacharavu damovicca nie ŭdałosia. Viasnoj biznesmiena zaprašali viarnucca ŭ Biełaruś i pryjści va Upraŭleńnie Śledčaha kamiteta pa Viciebskaj vobłaści. Vyhladaje, što hetym zaprašeńniem jon skarystaŭsia.
28 lutaha 2025 hoda jamu byŭ vyniesieny prysud, a 24 śniežnia Zacharaŭ byŭ uniesieny ŭ pieralik hramadzian Biełarusi, zamiežnych hramadzian i asob biez hramadzianstva, jakija majuć dačynieńnie da ekstremisckaj dziejnaści.
«Bananavy karol» Zacharaŭ zarubiŭsia z DFR i šle Kačanavaj pakajannyja listy, nazyvajučy apazicyju «žopazicyjaj»
KDK aryštavaŭ majomaść bujnoha połackaha biznesmiena amal na 100 młn dalaraŭ. Vidać, heta Uładzimir Zacharaŭ
Viadomy połacki biznesmien raspradaje dziasiatki handlovych abjektaŭ pa ŭsioj Biełarusi
«U studzieni hadavych padatkaŭ prosta nie budzie». Połacki pradprymalnik Uładzimir Zacharaŭ — pra toje, što čakaje Biełaruś
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS18
Kamientary