Staršynia Kamiteta dziaržbiaśpieki Ivan Cierciel siońnia prakamientavaŭ zatrymańnie biełarusa Siarhieja Jeramiejeva pa zaviedzienaj u Rasii spravie ab terakcie na BAMie. Pavodle jaho słoŭ, mužčynu zavierbavali ŭkrainskija śpiecsłužby.
«Ja paćviardžaju hety fakt. Razmova idzie pra našaha hramadzianina, žychara Viciebskaha rehijona, byłoha rabotnika «Naftana», jaki byŭ zvolnieny ŭ śniežni 2020-ha za dačynieńnie da ekstremisckaj dziejnaści. Matyvy pierš za ŭsio karyślivyja. Jamu vypłacili peŭnyja sumy, jašče bolšyja byli abiacany. Akramia taho, matyvam stała pieraviernutaja śviadomaść i pieraviernutyja mierkavańni i kaštoŭnaści», — skazaŭ Ivan Cierciel.
Cierciel zajaviŭ, što viarboŭka biełarusa, jak i niekatorych inšych našych suhramadzian, ažyćciaŭlałasia ŭkrainskimi śpiecsłužbami «dystancyjnym šlacham».
«Prykłady — taja ž Vilejka, dzie byli zavierbavany našy hramadzianie. Heta i sproby teraktaŭ u Minskaj i Viciebskaj abłaściach, što było pakazana ŭ presie. Ukrainskija śpiecsłužby ŭ tym liku vykarystoŭvajuć ludziej z prablemami ź psichikaj, chvorych ludziej. Heta niadobraja praktyka», — skazaŭ staršynia KDB.
Taksama Cierciel zajaviŭ, što arhanizacyja «Bajpoł» poŭnaściu finansujecca SBU. «My viedajem supracoŭnikaŭ, jakija tam instruktujuć i pracujuć», — skazaŭ jon.
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary
A pro Biełpoł ni odnoho płochoho słova nie skazał? On biełaruskimi vłastiami finansirujetsia?