Urad Vienhryi apublikavaŭ dopyt IT-śpiecyjalista apazicyjnaj partyi, jaki nibyta pryznaŭsia ŭ viarboŭcy Ukrainaj
Urad Vienhryi abnarodavaŭ videafrahmient dopytu byłoha IT-śpiecyjalista apazicyjnaj partyi «Cisa» i zajaviŭ, što toj pryznaŭsia ŭ sprobie viarboŭki Ukrainaj, choć na samim zapisie hetaha nie było. Amal hadzinnaje videa z dopytam 19‑hadovaha junaka, nazvanaha Hundalfam, źjaviłasia na ŭradavym YouTube-kanale.
Padčas razmovy małady čałaviek pryznaŭsia, što paśla pačatku poŭnamaštabnaha ŭvarvańnia Rasii va Ukrainu jon «hłyboka spačuvaŭ» mirnym žycharam, tamu dałučyŭsia da supolnaści śpiecyjalistaŭ, jakija praduchilali rasijskija kibierataki na ŭkrainskija sistemy, piša «Jeŭrapiejskaja praŭda».
Jon dadaŭ, što pierastaŭ udzielničać u hetym paśla taho, jak dziejańni «radykalizavalisia» i nibyta mahli być nakiravany nie suprać Rasii, a apasrodkavana naniesła b škodu Vienhryi.
Na pytańnie pra zamiežnyja suviazi junak adkazaŭ, što vučycca na inžyniera pa infarmacyjnaj biaśpiecy ŭ estonskim Centry kibierbiaśpieki, akredytavanym NATA, i naviedvaŭ estonskuju ambasadu ŭ Budapiešcie, dzie razmaŭlaŭ z kimści, ale nie moža pryhadać, z kim mienavita.
Nastupnaja častka videa źniata paźniej, pra što śviedčyć adzieńnie na chłopcy. Jon zajaŭlaje, što paśla apošniaj razmovy sa śledčym «mnohaje abdumaŭ» i miarkuje, što, vierahodna, sutyknuŭsia sa sprobaj viarboŭki.
Jon zhadvaje svoj vizit u Kijeŭ u 2023 hodzie, zrobleny ŭ vałanciorskich metach, dzie dla siabroŭ IT-supolnaści arhanizavali sustreču.
Kantaktnaj asobaj byŭ mužčyna, jaki pradstaviŭsia jak Davydaŭ. Pa słovach IT-śpiecyjalista, jon vyhladaŭ jak «stereatypny hanhstar». Davydaŭ prapanavaŭ im stać členami kamandy dla dapamohi Ukrainie ŭ baraćbie z kibieratakami. Hundalf vykazaŭ mierkavańnie, što jon «chacieŭ kudyści ŭciahnuć» udzielnikaŭ sustrečy.
Paśla publikacyi zapisu premjer-ministr Vienhryi Viktar Orban zajaviŭ, što siabra «Cisa» pryznaŭsia ŭ viarboŭcy ŭkraincami: «Bolš pytańniaŭ niama. IT-śpiecyjalist «Cisa» pryznaŭ, što jaho zavierbavali ŭkraincy. Jaho pakazańni publičnyja, kožny moža ich pasłuchać. Vienhierskaja kontrraźviedka zrabiła toje, što źjaŭlajecca jaje abaviazkam. My abaronim mir i biaśpieku Vienhryi».
U svaju čarhu, lidar partyi Pieter Madziar nazvaŭ heta arhanizavanaj apieracyjaj śpiecsłužbaŭ suprać apazicyi. Jon padkreśliŭ, što navat kali sproby viarboŭki i byli, junak ich adchiliŭ.
Nahadajem, na hetym tydni Orban abvinavaciŭ Ukrainu ŭ «infiltracyi špijonaŭ» u šerahi «Cisa» i zapatrabavaŭ «zabrać ich dadomu».
-
U Irkuckaj vobłaści łabarantka navukovaha instytuta pamierła ad čumy. Ciapier horad na vušach
-
Hieraičny indyjski piłot Flydubai upieršyniu raskazaŭ, što adbyvałasia ŭ kabinie samalota na rejsie z Dubaja ŭ Tel-Aviŭ
-
Zialenski zajaviŭ, što Pucin zahadaŭ vajskoŭcam admovicca ad praviłaŭ viadzieńnia vajny padčas abstrełaŭ Ukrainy
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii1
Kamientary