Vilenski biełaruski muziej papoŭniŭsia kalekcyjaj dziejača biełaruskaj emihracyi
U Vilenski biełaruski muziej imia Ivana Łuckieviča dastaŭleny dziasiatki skrynak z asabistaj kalekcyjaj i archivam Juryja Popki — biełaruskaha dziejača, jaki paśla Druhoj suśvietnaj vajny stvaryŭ u niamieckim Lajmienie pryvatny biełaruski muziej.
«My atrymali šmat-šmat novych ekspanataŭ ź vielmi nietryvijalnaj historyjaj. Jany pryjechali da nas až ź niamieckaha horadu Lajmana, a źbiraŭ tam ich biełaruski ekspat Jury Popka (1912-1990). Spadar Popka pakłapaciŭsia ab svajoj spadčynie — pakinuŭ u spadčynu horadu svaju majomaść pad muziej.
Ale ž jak vyśvietliła novaje pakaleńnie biełarusaŭ Niamieččyny, kalekcyja była całkam nieachajna pieraniesienaja ŭ skład, u jakim častka ekspanataŭ źnikła bieź śledu, častka paciarpieła ad patopu, i ciapier užo treba było ratavać toje, što zastałosia. Hetaj vyratavalnaj misijaj amal dziesiać hadoŭ, z 2017 hoda, zajmaŭsia Aleś Majsiejenka, jakomu my vielmi ŭdziačnyja za jaho kłopat i pracu. Taksama ščyra dziakujem abjadnańniu biełarusaŭ Niamieččyny RAZAM eV, jakija dapamahli pieravieźci kalekcyju ŭ Vilniu. A nas čakajuć doŭhija miesiacy apracoŭki hetaj kalekcyi, i pakrysie budziem vam raspaviadać, što ž u hetych skrynkach da nas pryjechała», — paviedamlaje Vilenski biełaruski muziej imia Ivana Łuckieviča ŭ svaim telehram-kanale.
Jury Popka naradziŭsia na Pružanščynie ŭ 1912 hodzie. Padčas niamieckaj akupacyi ŭznačalvaŭ adździeł pracy i sacyjalnaha zabieśpiačeńnia ŭ Pružanach, uznačalvaŭ adździeł Biełaruskaha kamiteta, adkryŭ niekalki biełaruskich škoł. Z 1944 hoda žyŭ u Zachodniaj Hiermanii, braŭ udzieł u emihracyjnym ruchu, naležaŭ da kryła Biełaruskaj Centralnaj Rady, vydavaŭ haziety i časopisy.
U 1971 hodzie pierajechaŭ u Lajmien. dzie zasnavaŭ va ŭłasnaj kvatery biełaruski muziej. Adkryćcio adbyłosia 15 sakavika 1982 hoda z udziełam miascovych biełarusaŭ i mera Lajmiena. Ekspanaty dla jaho byli sabranyja z usioj Hiermanii: pajasy, adzieńnie, łapci, łyžki, posud, knihi, pieryjadyčnyja vydańni.
-
Jeździli letam da babuli ŭ viosku? Konkurs «Viki lubić vioski» źbiraje lubyja zdymki 23 tysiač miastečak, viosak i chutaroŭ Biełarusi
-
Vietkaŭskuju kalekcyju čakannych akładaŭ na abrazy ŭpieršyniu pradstaviać u Nacyjanalnym mastackim muziei
-
U Mahilovie sa svajho miesca źnikła čechaŭskaja «Dama z sabačkam». Što ź joj budzie
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary