Miljarder Džaścin San abvinavaciŭ siamju Trampa ŭ vymahalnictvie. Jon ukłaŭ miljony ŭ jaje kryptavalutu
Pa śćviardžeńni Sana, World Liberty (jaje suzasnavalnikami źjaŭlajucca sam Tramp i jaho syn Eryk) «zamaroziła» ŭsie tokieny, jakija naležać jamu, i pazbaviła jaho prava hołasu pa pytańniach kiravańnia kampanijaj.
Miljarder i zasnavalnik kryptavalutnaha prajekta TRON Džaścin San padaŭ u sud na kampaniju World Liberty Financial, jakaja naležyć siamji prezidenta ZŠA Donalda Trampa, piša Bi-bi-si.
San abvinavaciŭ World Liberty, jakaja zajmajecca vypuskam kryptavaluty, u vymahalnictvie i realizacyi «niezakonnaj schiemy» pa kanfiskacyi vypuščanych joju tokienaŭ WLFI.
Pa śćviardžeńni Sana, World Liberty (jaje suzasnavalnikami źjaŭlajucca sam Tramp i jaho syn Eryk) «zamaroziła» ŭsie tokieny, jakija naležać jamu, i pazbaviła jaho prava hołasu pa pytańniach kiravańnia kampanijaj.
World Liberty adchiliła hetyja abvinavačvańni i zajaviła, što San «sprabuje pradstavić siabie achviaraj i robić biespadstaŭnyja śćviardžeńni, kab schavać svaje ŭłasnyja niepryvabnyja dziejańni».
San viadomy jak prychilnik Trampa i jaho palityki ŭ dačynieńni da kryptavalut. Adnak jon abvinavaciŭ «niekatorych ludziej», źviazanych z World Liberty Financial, u dziejańniach, jakija supiarečać kaštoŭnaściam prezidenta ZŠA.
«Jany biespadstaŭna zamarozili ŭsie maje tokieny, adabrali ŭ mianie prava hołasu pa prapanovach u dačynieńni da kiravańnia i prystrašyli niezvarotna źniščyć maje tokieny šlacham «spalvańnia» bieź jakoha-niebudź zakonnaha abhruntavańnia», — zajaviŭ u sacsietkach San.
San viadomy jak zasnavalnik kryptavalutnaha prajekta TRON, jaki vypuskaje kryptavalutu Tronix (jana nie źviazana ź dziejnaściu World Liberty Financial). Biznesmien pieršapačatkova inviestavaŭ u WLFI 45 młn dołaraŭ i zajaŭlaŭ, što košt kuplenych im tokienaŭ dasiahaŭ bolš za 1 młrd dalaraŭ.
Adnak ź vieraśnia minułaha hoda košt tokiena WLFI ŭpaŭ z 31 centa da mienš čym 8 centaŭ.
U čym sutnaść abvinavačvańniaŭ
San tłumačyŭ udzieł u World Liberty svajoj daŭniaj padtrymkaj kryptavalutnych pačynańniaŭ i tym, što heta kampanija naležyć siamji Donalda Trampa.
U lipieni 2025 hoda jon taksama kupiŭ miemkojny Trampa (kryptavalutu, stvoranuju prezidentam ZŠA) na sumu 100 młn dalaraŭ.
Pry hetym San śćviardžaje, što mieniedžary World Liberty, u tym liku jašče adzin jaje suzasnavalnik Čejz Chiera, bačać u kampanii «załatuju mahčymaść vykarystoŭvać handlovuju marku Trampa dla ŭzbahačeńnia pry dapamozie machlarstva».
U svajoj skarzie, jakaja ŭ aŭtorak była nakiravana ŭ fiederalny sud San-Francyska, San piša, što dadzienyja kampanijaj abiacańni ŭ budučyni zabiaśpiečyć dla ŭładalnikaŭ tokienaŭ mahčymaść handlu kryptavalutaj «byli iłžyvymi i ŭvodziać u zman».
San zajaŭlaje, što ŭ momant, kali tokieny stali handlavacca, World Liberty Financial nie dała jamu pradać nivodzin ź ich, a ciapier pahražaje «spalić» jaho kryptavalutu, całkam źniščyŭšy jaje.
Zak Uitkof, jašče adzin suzasnavalnik kampanii World Liberty Financial i syn śpiecyjalnaha pasłanca Trampa Styva Uitkafa, nazvaŭ pazoŭ Sana «adčajnaj sprobaj adciahnuć uvahu ad jaho ŭłasnych nieprystojnych učynkaŭ».
«Jaho śćviardžeńni nie majuć nijakich padstaŭ, i World Liberty hatovaja damahčysia, kab sud chutka adchiliŭ hetuju spravu», — skazaŭ Zak Uitkof. Jon dadaŭ, što San byŭ vinavaty ŭ «pravinach, jakija vymusili World Liberty pryniać miery dla svajoj abarony i abarony karystalnikaŭ».
«Adzinaje, što było jašče bolš durnoje za hety pazoŭ, — heta vydatkavać 6 młn dalaraŭ na banan, prylepleny da ściany skotčam», — dadaŭ Eryk Tramp.
Jon maje na ŭvazie, što ŭ kancy 2024 hoda San kupiŭ na aŭkcyjonie Sotheby's za 6,2 młn dalaraŭ adnu z samych viadomych instalacyj apošnich hadoŭ — «Komik» Maŭrycya Katełana (jana ŭjaŭlaje saboj banan, prylepleny skotčam). Paźniej San źjeŭ banan, nazvaŭšy heta «ŭnikalnym mastackim dośviedam».
U inviestaraŭ taksama ŭźnikli aściarohi ŭ suviazi z tym, što World Liberty biare kredyty, zabiaśpiečanyja koštam jaje tokienaŭ.
Zakrytaje rasśledavańnie
Amierykanskaja Kamisija pa kaštoŭnych papierach i biržach niadaŭna spyniła rasśledavańnie dziejnaści Sana. Sienatar-demakrat Elizabet Uoren vykazała zdahadku, što heta rašeńnie moža być źviazana z udziełam biźniesmiena ŭ kryptavalutnych prajektach Trampa.
Suprać Sana vyłučalisia abvinavačvańni ŭ tym, što jon płacić influensieram za rekłamu jaho kampanij u sacsietkach, ale nie paviedamlaje pra takija płaciažy publična.
Tym časam rezka ŭpali ŭ canie akcyi jašče adnaho źviazanaha ź internetam prajekta Donalda Trampa — jaho sacyjalnaj sietki Truth Social. Kampanija, jakoj naležyć sacsietka, zvolniła jaje hienieralnaha dyrektara, byłoha kalifarnijskaha kanhresmiena Devina Nuniesa.
Na praciahu minułaha hoda akcyi Trump Media & Technology ŭpali ŭ canie amal na dźvie traciny. Hetaja firma pakul nie moža pryciahnuć u sacsietku značnuju kolkaść novych karystalnikaŭ, bolš za ŭsio Truth Social viadomaja jak miesca, dzie Tramp publikuje svaje paviedamleńni.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary