Pad Minskam pradajuć vielizarny katedž — sapraŭdny rarytet z 90‑ch
Zamki-pałacy z 90‑ch hadoŭ zvyčajna pradajucca ŭ vyhladzie stomlenych daŭhabudaŭ. Davieści da ładu prajekty na 2—3 pavierchi ź zimovym sadam, biljardnaj i basiejnam udałosia adzinkam. Adnak Realt adšukaŭ redki ekzemplar — całkam hatovy da žyćcia trochpaviarchovy dom. Hety cahlany asabniak płoščaj 460 kvadrataŭ raźmieščany ŭsiaho ŭ 20 kiłamietrach ad Minska. Jak vyhladaje i kolki kaštuje hety žyvy rarytet?
Raźmiaščajecca katedž u vioscy Chołma. Heta Dziaržynski rajon, 21 kiłamietr ad MKAD, Brescki kirunak. U pary kiłamietraŭ ad dačnaha pasiołka znachodzicca ahraharadok Fanipal z usioj infrastrukturaj — škołami, dziciačymi sadami i kramami. U samoj vioscy (darečy, tut pradstaŭlena sučasnaja katedžnaja zabudova) pracuje krama, jość prypynak hramadskaha transpartu i maršrutki.
Brutalny dom z čyrvonaj cehły byŭ pabudavany ŭ 1998 hodzie. Katedž staić na fundamiencie z budaŭničych błokaŭ, ścieny — cehła, pierakryćci pavierchaŭ — bietonnyja plity. Pamiž pavierchami možna prajści pa bietonnaj leśvicy z aśviatleńniem i parenčami.
Dom składajecca z troch žyłych uzroŭniaŭ i techničnaha paviercha, dzie jość:
- hazavaja kacielnia;
- sportzała;
- saŭna;
- haraž;
- pamiaškańnie dla zachoŭvańnia praduktaŭ.
Ahulnaja płošča katedža składaje 461 kvadratny mietr.
Interjer: Vajb 90-ch
Interjery doma ŭražvajuć. Zdajecca, što za 25 ź liškam hadoŭ tut ničoha nie źmianiłasia: vielizarnyja pakoi, abstaŭlenyja meblaj tych hadoŭ i azdoblenyja drevam, zamkavyja aračnyja vokny, raskošnyja kaminy, palaŭničaja stylistyka ŭ azdableńni.
U domie jość biblijateka, choł ź biljardam; zimovy sad; zała palaŭničaha; pracoŭny kabiniet.
Na kožnym paviersie praduhledžany svoj kamin, kuchnia, stałovaja, spalni i sanvuzły. Jak i maryŭ amal kožny biełarus u 90-ch, na adnym z pavierchaŭ znajšłosia miesca dla basiejna.
Dom-pałac staić na dahledžanym učastku płoščaj 25 sotak. Na terytoryi jość hazon, mnostva raślin, vialikaja ciaplica ź vinahradam (20 sartoŭ) i haspadarčyja pabudovy. Da doma viadzie asfaltavanaja daroha.
Pradajecca heta raskoša z 90‑ch za 921 tysiaču rubloŭ, abo 325 tysiač dołaraŭ.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
pohovarivali,čto postroił odin iz načalnikov ili zam kakoho-to zavoda.