U Varšavie arhanizatary prytułku dla biełaruskich uciekačoŭ znajšli novy dom, ale patrebna dapamoha
Varšaŭski prytułak dla biełarusaŭ-uciekačoŭ «Zacišša» ŭ mai płanuje pierabracca ŭ novy, bolš prastorny dom. Znajšli novy budynak aktyvistki Hanna Fiedaronak i Alesia Bunievič z fondu «Prytulaj mianie», jaki apiakujecca prytułkam. Ale kab pierajezd adbyŭsia, fond prosić terminovaj padtrymki, patłumačyła «Radyjo Svaboda» Alesia Bunievič.
«Pierasialicca zmožam užo ŭ pačatku maja: damovilisia z haspadarom doma, ale ŭźnikła terminovaja finansavaja prablema. Jana ŭ tym, što treba da kanca miesiaca raźličycca z ryełtarami: atrymać inšy budynak ad meryi, na što my raźličvali, nie ŭdałosia, i ŭ vyniku my adšukali novy budynak z dapamohaj ryełtaraŭ.
Jurysty dapamahli adaptavać damovu z haspadarom da asablivaściaŭ našaj dziejnaści. Pasłuhi śpiecyjalistaŭ kaštujuć niamałych hrošaj. Raźličycca musim da kanca miesiaca. Nam treba sabrać 10 tysiač złotych — heta prykładna 2 tysiačy jeŭra. Budziem vielmi ŭdziačnyja biełarusam i ŭsim ludziam, jakija akažuć dapamohu», — raskazała Alesia Bunievič.
Pavodle Alesi Bunievič, ciapier u prytułku žyvuć 12 čałaviek, ale płyń uciekačoŭ ź Biełarusi nie spyniajecca, tamu i spatrebiŭsia novy i bolš prastorny budynak.
«Z hrupy palitviaźniaŭ, jakich vyvieźli ź Biełarusi ŭ śniežni, u nas žyli 12 čałaviek. U ich byŭ status palitviaźniaŭ, im pryznačyli mientaraŭ, im chutčej dapamahli z dakumientami. Ale bolšaść z tych, chto da nas pryjazdžaje, evakujavalisia ź Biełarusi z dapamohaj BySol, i jany ŭ inšym stanoviščy: časta biez statusu palitviaźnia, u składanym psichałahičnym stanie, u rospačy.
Naprykład, jeduć ludzi, jakim pahražaje pieraśled u «spravie Hajuna», ale ŭ ich niama statusu palitviaźnia. Siarod takich niama viadomych asob, ale dapamoha im patrebnaja nie mienšaja. Dla novaha doma jość častka novaj mebli, kuplenyja peŭnyja haspadarčyja rečy. Raniej, u lutym, my abviaščali zbor hrošaj na takija patreby i paznačali tam radok pra «finansavy rezierv». Voś hetuju častku zboru ciapier prosim vykanać terminova», — raskazała Alesia Bunievič.
Pavodle Alesi Bunievič, arenda ciapierašniaha budynka prytułku «Zacišša» na vulicy Bałotnaj zakančvajecca 20 maja.
Rehłamient zboru srodkaŭ i rachunak možna znajści tut.
«Nie prosta adpačynak, a lačeńnie dušy». Natalla Kalehava arhanizavała adpačynak na Kanarach dla žančyn-palitviaźniaŭ
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
Śviatłana Cichanoŭskaja naviedała šełtar dla byłych palitźniavolenych u Varšavie
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Niaŭžo nielha źniać 3 zvyčajnyja chaty dla hetych dziesiaci čałaviek i nie maročyć ludziam hłuzdy? Dajcie ludziam mahčymaść i matyvacyju ZARABLAĆ!!!