У Варшаве арганізатары прытулку для беларускіх уцекачоў знайшлі новы дом, але патрэбна дапамога
Варшаўскі прытулак для беларусаў-уцекачоў «Зацішша» ў маі плануе перабрацца ў новы, больш прасторны дом. Знайшлі новы будынак актывісткі Ганна Федаронак і Алеся Буневіч з фонду «Прытуляй мяне», які апякуецца прытулкам. Але каб пераезд адбыўся, фонд просіць тэрміновай падтрымкі, патлумачыла «Радыё Свабода» Алеся Буневіч.
«Перасяліцца зможам ужо ў пачатку мая: дамовіліся з гаспадаром дома, але ўзнікла тэрміновая фінансавая праблема. Яна ў тым, што трэба да канца месяца разлічыцца з рыэлтарамі: атрымаць іншы будынак ад мэрыі, на што мы разлічвалі, не ўдалося, і ў выніку мы адшукалі новы будынак з дапамогай рыэлтараў.
Юрысты дапамаглі адаптаваць дамову з гаспадаром да асаблівасцяў нашай дзейнасці. Паслугі спецыялістаў каштуюць нямалых грошай. Разлічыцца мусім да канца месяца. Нам трэба сабраць 10 тысяч злотых — гэта прыкладна 2 тысячы еўра. Будзем вельмі ўдзячныя беларусам і ўсім людзям, якія акажуць дапамогу», — расказала Алеся Буневіч.
Паводле Алесі Буневіч, цяпер у прытулку жывуць 12 чалавек, але плынь уцекачоў з Беларусі не спыняецца, таму і спатрэбіўся новы і больш прасторны будынак.
«З групы палітвязняў, якіх вывезлі з Беларусі ў снежні, у нас жылі 12 чалавек. У іх быў статус палітвязняў, ім прызначылі ментараў, ім хутчэй дапамаглі з дакументамі. Але большасць з тых, хто да нас прыязджае, эвакуяваліся з Беларусі з дапамогай BySol, і яны ў іншым становішчы: часта без статусу палітвязня, у складаным псіхалагічным стане, у роспачы.
Напрыклад, едуць людзі, якім пагражае пераслед у «справе Гаюна», але ў іх няма статусу палітвязня. Сярод такіх няма вядомых асоб, але дапамога ім патрэбная не меншая. Для новага дома ёсць частка новай мэблі, купленыя пэўныя гаспадарчыя рэчы. Раней, у лютым, мы абвяшчалі збор грошай на такія патрэбы і пазначалі там радок пра «фінансавы рэзерв». Вось гэтую частку збору цяпер просім выканаць тэрмінова», — расказала Алеся Буневіч.
Паводле Алесі Буневіч, арэнда цяперашняга будынка прытулку «Зацішша» на вуліцы Балотнай заканчваецца 20 мая.
Рэгламент збору сродкаў і рахунак можна знайсці тут.
«Не проста адпачынак, а лячэнне душы». Наталля Калегава арганізавала адпачынак на Канарах для жанчын-палітвязняў
Былыя палітзняволеныя аб’ядналіся дзеля ўзаемнай падтрымкі ў арганізацыю «Побач»
Святлана Ціханоўская наведала шэлтар для былых палітзняволеных у Варшаве
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Няўжо нельга зняць 3 звычайныя хаты для гэтых дзесяці чалавек і не марочыць людзям глузды? Дайце людзям магчымасць і матывацыю ЗАРАБЛЯЦЬ!!!