U Homieli adbyŭsia jašče adzin vypadak napadu biazdomnaha sabaki na dzicia
Incydent adbyŭsia ŭčora. Biazdomnyja sabaki napali na niepaŭnaletniaje dzicia.
U suviazi z hetym profilnyja słužby horada aryjentavany na ŭzmocnienuju pracu pa adłovie biazdomnych žyvioł. Sfarmavany ekipažy słužbaŭ dla praviadzieńnia rejdaŭ i adłovu badziažnych sabak. «Žorstkija miery pa adłovie badziažnych žyvioł buduć pryniatyja ŭ suviazi sa składanaj situacyjaj u horadzie. Biaśpieka i kamfort u horadzie zaležać nie tolki ad pracy kamunalnych słužbaŭ, ale i ad śviadomaści haradžan», — adznačyŭ staršynia Homielharvykankama Rusłan Parchamovič, piša BiełTA.
Taksama ŭ abłasnym centry pačała pracu haračaja linija, kudy možna paviedamić pra vypadki zboru biazdomnych sabak: +375 (29) 677— 37‑30 (słužba adłovu KPUP «Śpieckamuntrans»).
U harvykankamie nahadali ŭładalnikam chatnich žyvioł stroha vykonvać praviły vyhułu: vykarystoŭvać namordnik i łancužok va ŭsich hramadskich miescach, akramia śpiecyjalna adviedzienych placovak.
«Pamiatajcie: zabaroniena vyhulvać sabak na dziciačych i spartyŭnych placoŭkach, na terytoryjach škoł, dziciačych sadoŭ, miedustanoŭ, u parkach i zonach adpačynku, dzie ŭstanoŭleny zabaranialnyja znaki. Kateharyčna zabaraniajecca padkormlivać biazdomnych žyvioł. Padobnyja dziejańni paharšajuć situacyju: žyvioła pačynaje ličyć peŭnuju terytoryju svajoj i ahresiŭna abaraniaje jaje, u tym liku ad ludziej», — padkreślili ŭ harvykankamie.
Raniej, 8 maja, biazdomnyja sabaki napali na dziaŭčynku. Dzicia apieratyŭna dastavili ŭ balnicu i akazali dapamohu.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary