Sud u Litvie adchiliŭ skarhu špijona Danielusa na toje, što jaho nie mianiajuć na viaźniaŭ ź Biełarusi
Litoŭski sud adchiliŭ skarhu asudžanaha za špijanaž na karyść Biełarusi Mantasa Danielusa, jaki prasiŭ arhanizavać jahony abmien na hramadzian Litvy, što znachodziacca ŭ biełaruskich turmach.
U mai minułaha hodu Danielus źviarnuŭsia da prezidenta Litvy Hitanasa Naŭsiedy z prośbaj inicyjavać jahony abmien na hramadzian Litvy, źniavolenych u Biełarusi. Kancylaryja prezidenta na heta adkazała tolki, što aznajomiłasia sa zvarotami Danielusa.
U svajoj skarzie Danielus patrabavaŭ admianić adkaz kancylaryi prezidenta Litvy i vypłacić jamu 100 tysiač jeŭra kampiensacyi maralnaj škody. Sud, adnak, paličyŭ, što list kancylaryi byŭ tolki infarmacyjnym i nie mieŭ jurydyčnych nastupstvaŭ, tamu jaho nielha admianiać.
Akramia taho, sud adznačyŭ, što ni prezidenckaja kancylaryja, ni administracyjnyja sudy nie majuć paŭnamoctvaŭ inicyjavać abmien asudžanymi — heta moža vyrašać tolki prezident u ramkach svaich paŭnamoctvaŭ.
U vyniku ŭsie patrabavańni Danielusa byli adchilenyja.
Danielus byŭ zvyčajnym infarmataram, jaki ź lipienia 2022 hoda pa luty 2023 hoda absłuhoŭvaŭ intaresy biełaruskaj prapahandystki Ksienii Lebiedzievaj, ciesna źviazanaj sa śpiecsłužbami.
Karystajučysia davieram biełaruskaj dyjaspary ŭ Vilni, jon uciraŭsia ŭ šerahi apazicyjnych arhanizacyj, źbiraŭ źviestki pra ich finansavańnie, prajekty i asabistyja danyja aktyvistaŭ, čym stvaraŭ pramuju pahrozu dla ludziej, jakija ŭciakli ad teroru. Jahonaj samaj cyničnaj apieracyjaj stała sustreča z byłym dobraachvotnikam pałka imia Kastusia Kalinoŭskaha: Danielus pierakanaŭ bajca, što dziejničaje ŭ intaresach pasolstva ZŠA, tajemna zapisaŭ razmovu i adpraviŭ jaje ŭ Minsk. U mai 2025 hoda Apielacyjny sud Litvy pastaviŭ kropku ŭ jahonaj spravie, zaćvierdziŭšy prysud u vyhladzie dzieviaci hadoŭ pazbaŭleńnia voli.
Litoviec, jaki špijoniŭ na karyść režymu Łukašenki, padaŭ u sud na prezidenta Litvy, bo jaho nie abmianiali na biełaruskich palitviaźniaŭ
Litoŭski siabar Ksienii Lebiedzievaj, jaki sieŭ za špijanaž, prosić abmianiać jaho na biełaruskich palitviaźniaŭ
Chacieŭ źbiehčy ŭ Biełaruś, ale nie paśpieŭ. Novyja padrabiaznaści spravy pra špijanaž na karyść KDB litoŭskaha jurysta
Ukaraniajecca ŭ biełaruskija arhanizacyi jak juryst, pierasyłaje infarmacyju Lebiedzievaj. Dziŭnaja dziejnaść Mantasa Danielusa
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
I heta nasamreč nie vielmi dobra, bo pry najaŭnaści niejkich mižnarodnych pahadnieńniaŭ, standartaŭ možna było b patrabavać minimalnaha ŭzroŭniu, jak abmien tolki z usimi svaimi dakumientami, pamiłavańnie abo źniaćcie adkaznaści pierad vyzvaleńniem i h.d.
Pa vajennapałonnych, dypłamatach isnuje pravavaja baza.
I hdie žie tohda budiet jeho udovletvorionnosť ot riezultatov sobstviennoj izoŝriennoj mstitielnosti?
Ale chacia była b ahulnaja pravavaja baza, na jakuju mahli spasyłacca amierykancy pry pieramovach.
Typa "idziom pa hetaj pracedury". A nie jak zaraz, iteracyjami z vypraŭleńniami: spačatku dakumienty nie daŭ, paśla nie daŭ vybaru zastacca, paśla jašče što.