Ułady zasakrecili finansavuju spravazdačnaść miedyjachołdynha niaviestki Łukašenki
Z 2025 hoda finansavyja pakazčyki miedyjachołdynha, jakim kiruje niaviestka Łukašenki, stali «dziaržaŭnaj padatkovaj tajamnicaj». Takuju pastanovu vydaŭ Saviet ministraŭ, piša «Biuro».
Pad hryfam «sakretna» akazalisia amal usie aktyvy, źviazanyja z Hannaj Łukašenka, jakaja bolš viadomaja jak aŭtarka tekstaŭ piesień Hanna Siałuk: «Muzyčnaja miedyjakampanija» — miedyjapradakšen, «Muzyčnaja častata» — akumuluje dziejnaść troch radyjostancyj, i navat niadaŭna stvoranaje rekłamnaje ahienctva «Kreatyŭny kod».
Apošni hod «Biuro» adznačaje tendencyju: siamja Łukašenki aktyŭna chavaje strukturnyja i finansavyja dadzienyja kampanij, jakija źviazanyja ź imi asabista i ich blizkimi siabrami. Raniej takim ža paradkam była zasakrečanaja ŭsia finansavaja spravazdačnaść firm pad kantrolem bratoŭ Łukašenkaŭ — Viktara i Dźmitryja. Taksama niadaŭna paviedamlałasia, što «dziaržtajamnicaj» stała i buchhałtarskaja spravazdačnaść rybnaha chołdynha Ludmiły Niaronskaj, biznes-intaresy jakoj łabiruje kłan Viktara Łukašenki.
«Biuro» nakiravała zapyty ŭ Saviet ministraŭ, Ministerstva pa padatkach i zborach i Ministerstva justycyi, u jakich paprasiła dać tłumačeńni: čamu infarmacyja pra raschody i dachody pryvatnych firm stała «dziaržaŭnaj padatkovaj tajamnicaj».
Žurnalisty atrymali adkaz ź Ministerstva pa padatkach i zborach. U viedamstvie paviedamili, što «raskryćcio zapytanaj infarmacyi zakanadaŭstvam nie praduhledžana».
Adzinaja firma ź miedyjachołdynha Siałuk, jakaja nie trapiła pad hryf «sakretna», — «ANSŁ pradakšn». Jaje bienieficyjarny ŭładalnik — Andrej Urubleŭski — top-mieniedžar muža Hanny Łukašenki-Siałuk — Dźmitryja Łukašenki. Hetaja firma trymaje doli ŭ «Muzyčnaj miedyjakampanii» i «Kreatyŭnym kodzie». Pa vynikach 2025 hoda čysty prybytak «ANSŁ pradakšn» skłaŭ 266 tysiač rubloŭ.
Na čym kankretna zarablaje «ANSŁ pradakšn», dakładna nieviadoma. Adnak z 2023 pa 2025 hady firma padavała dekłaracyi pa padatku na nieruchomaść arhanizacyj. Heta śviedčyć pra toje, što na bałansie kampanii majecca nieruchomaść, jakuju «ANSŁ pradakšn» moža zdavać u arendu.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary
Nastolko o**ieli (obnahleli) łukašisty ot vsiedozvolennosti, kotoruju im pozvolili biełarusy, čto chotiat, to i diełajut, v t.č. zaŝiŝaja navorovannoje takim vot, jakoby zakonnym sposobom. Prostoj lud nie dołžien znať o značkach siemiejstva, hdie by oni nie nachodiliś. Biełarusy, skolko budiet jeŝio tierpieť etoho krovopijca - kleŝa - iždievienca našiej strany?