Улады засакрэцілі фінансавую справаздачнасць медыяхолдынга нявесткі Лукашэнкі
З 2025 года фінансавыя паказчыкі медыяхолдынга, якім кіруе нявестка Лукашэнкі, сталі «дзяржаўнай падатковай таямніцай». Такую пастанову выдаў Савет міністраў, піша «Бюро».
Пад грыфам «сакрэтна» аказаліся амаль усе актывы, звязаныя з Ганнай Лукашэнка, якая больш вядомая як аўтарка тэкстаў песень Ганна Сялук: «Музычная медыякампанія» — медыяпрадакшэн, «Музычная частата» — акумулюе дзейнасць трох радыёстанцый, і нават нядаўна створанае рэкламнае агенцтва «Крэатыўны код».
Апошні год «Бюро» адзначае тэндэнцыю: сям’я Лукашэнкі актыўна хавае структурныя і фінансавыя дадзеныя кампаній, якія звязаныя з імі асабіста і іх блізкімі сябрамі. Раней такім жа парадкам была засакрэчаная ўся фінансавая справаздачнасць фірм пад кантролем братоў Лукашэнкаў — Віктара і Дзмітрыя. Таксама нядаўна паведамлялася, што «дзяржтаямніцай» стала і бухгалтарская справаздачнасць рыбнага холдынга Людмілы Няронскай, бізнэс-інтарэсы якой лабіруе клан Віктара Лукашэнкі.
«Бюро» накіравала запыты ў Савет міністраў, Міністэрства па падатках і зборах і Міністэрства юстыцыі, у якіх папрасіла даць тлумачэнні: чаму інфармацыя пра расходы і даходы прыватных фірм стала «дзяржаўнай падатковай таямніцай».
Журналісты атрымалі адказ з Міністэрства па падатках і зборах. У ведамстве паведамілі, што «раскрыццё запытанай інфармацыі заканадаўствам не прадугледжана».
Адзіная фірма з медыяхолдынга Сялук, якая не трапіла пад грыф «сакрэтна», — «АНСЛ прадакшн». Яе бенефіцыярны ўладальнік — Андрэй Урублеўскі — топ-менеджар мужа Ганны Лукашэнкі-Сялук — Дзмітрыя Лукашэнкі. Гэтая фірма трымае долі ў «Музычнай медыякампаніі» і «Крэатыўным кодзе». Па выніках 2025 года чысты прыбытак «АНСЛ прадакшн» склаў 266 тысяч рублёў.
На чым канкрэтна зарабляе «АНСЛ прадакшн», дакладна невядома. Аднак з 2023 па 2025 гады фірма падавала дэкларацыі па падатку на нерухомасць арганізацый. Гэта сведчыць пра тое, што на балансе кампаніі маецца нерухомасць, якую «АНСЛ прадакшн» можа здаваць у арэнду.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары
Настолько о**ели (обнаглели) лукашисты от вседозволенности, которую им позволили беларусы, что хотят, то и делают, в т.ч. защищая наворованное таким вот, якобы законным способом. Простой люд не должен знать о значках семейства, где бы они не находились. Беларусы, сколько будет ещё терпеть этого кровопийца - клеща - иждевенца нашей страны?