«Čamu ja pastajanna pavinna hladzieć na hadzińnik?» Biełarusy ŭ šoku ad pravił u niekatorych minskich restaranach
U Minsku abmiarkoŭvajuć novaje praviła ŭ niekatorych restaranach, asabliva nacyjanalnaj kuchni — abmiežavańnie času dla haściej. Ludzi skardziacca, što im dajuć tolki kala dźviuch hadzin na viačeru, asabliva ŭ hadziny pik, naprykład u piatnicu ŭviečary, piša Tochka.by.
Historyja pačałasia ź dziaŭčyny, jakaja chacieła zabraniravać stolik dla kampanii ź siami čałaviek. U niekalkich ustanovach, u pryvatnaści ŭ «Litvinach» i «Bulbašach», joj skazali, što stoł dajecca maksimum na dźvie hadziny: naprykład, z 18:30 da 20:30. Pry hetym stravy mohuć hatavacca da 30 chvilin, i papiaredni zakaz nie praduhledžany.
Heta jaje aburyła, bo jana chacieła nie prosta pajeści, a spakojna pravieści čas ź siabrami. Na dumku dziaŭčyny, takija abmiežavańni prymušajuć uvieś čas sačyć za hadzińnikam i psujuć atmaśfieru adpačynku.
«Ja prychodžu nie tolki pajeści, a jašče i pakamunikavać, i dobra pravieści čas u kampanii ludziej, jakich daŭno nie bačyła. Jakoha čorta ja pavinna niervavacca i pastajanna hladzieć na hadzińnik, kab ukłaścisia ŭ limit? Heta ž, blin, nie kavu z desiertam 2 hadziny cadzić, kamon. Karaciej, ja ŭ afihu», — vykazałasia klijentka.
U kamientaryjach mnohija padtrymali jaje i skazali, što taksama z hetym sutykalisia. Niekatoryja ličać takija praviły niezakonnymi. Adzin z karystalnikaŭ paviedamiŭ, što źviartaŭsia ŭ MARH, paśla čaho pravodziłasia pravierka, i niekatoryja restarany atrymali štrafy za parušeńnie pravił handlu.
Adnak jość i tyja, chto stavicca da hetaha spakajniej. Jany ličać, što restarany ŭvodziać takija abmiežavańni z-za vialikaha patoku naviedvalnikaŭ, u tym liku turystaŭ z Rasii, kab absłuhoŭvać bolš ludziej.
U vyniku kampanija dziaŭčyny znajšła restaran biez abmiežavańnia pa časie. A abmierkavańnie ŭ sacsietkach pieratvaryłasia jašče i ŭ śpis ustanoŭ, kudy možna pajści biez takich pravił.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary