Minčuk aburyŭsia, što ŭ horadzie pazasychali maładyja jalinki. «Zielanbud» adkazaŭ: u hetym vinavaty sabačniki
«Adna z pryčyn paharšeńnia stanu asobnych jełak — vyhuł chatnich žyvioł u niepasrednaj blizkaści ad nasadžeńniaŭ».
Minčuk pakazaŭ u tyktoku zasochłyja maładyja jełki, vysadžanyja ŭ Kijeŭskim skviery.
«Niadaŭna tut było praviedziena dabraŭparadkavańnie, pasadžany novyja drevy i navat viečnazialonyja jalinki. Vidać, za jalinkami patrebny bolšy dohlad, kab jany pryžylisia», — padzialiŭsia jon.
«Zielanbud» zapeŭniŭ, što rabotniki sistematyčna palivajuć i padkormlivajuć jalinki, pišuć «Minsk-Naviny».
«Na maładyja drevy ŭpłyvaje šerah źniešnich faktaraŭ. U pryvatnaści, adna z pryčyn paharšeńnia stanu asobnych jełak — vyhuł chatnich žyvioł u niepasrednaj blizkaści ad nasadžeńniaŭ. Heta niehatyŭna skazvajecca na pracesie ŭkaranieńnia i dalejšym roście raślin, asabliva ŭ pieryjad ich adaptacyi paśla pasadki, — raspaviali śpiecyjalisty. — Maładyja chvojnyja nasadžeńni patrabujuć asabliva bieražlivych adnosin i času dla paŭnavartasnaha pryžyvańnia. Navat pry zabieśpiačeńni nieabchodnaha dohladu z boku śpiecyjalistaŭ uździejańnie źniešnich faktaraŭ moža zapavolvać rost i ŭpłyvać na źniešni vyhlad raślin».
Kab zachavać zialonyja zony i stvaryć kamfortnaje haradskoje asiarodździe dla ŭsich, azielanialniki prosiać minčan vykonvać kulturu vyhułu chatnich hadavancaŭ.
-
Łukašenka zapatrabavaŭ ad ministra abarony vyznačyć umacavanyja rajony, jakija buduć zaniatyja na praciahu sutak
-
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu
-
U Izraili, imavierna, zatrymali byłoha vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu11
Kamientary