20 červienia na radzimie Kuźmy Čornaha ŭ Kapylskim rajonie projdzie V litaraturna-muzyčny fiestyval «Cimkavickija vytoki».
Sioleta muzyčnaja prahrama jubilejnych «Cimkavickich vytokaŭ» abiacaje być nasyčanaj. Na hałoŭnaj scenie vystupiać narodny siamiejny ansambl «Žyvica», artystka estrady Śviatłana Šymanskaja, a taksama tvorčyja kalektyvy Kapylščyny, paviedamlaje «Supołka biełaruskich piśmieńnikaŭ».
Haściej čakajuć sustrečy ź piśmieńnikami, muziejnyja kvesty i kvizy, majstar-kłasy, interaktyŭnyja placoŭki dla dziaciej i darosłych.
U Litaraturnym muziei Kuźmy Čornaha projduć ekskursii i tradycyjnaje čajavańnie «Kala samavara Kuźmy Čornaha», dzie možna budzie daviedacca pra staronki z žyćcia kłasika i adčuć asablivuju atmaśfieru haścinnaści Cimkavičaŭ.
Taksama buduć pracavać vystavy-prodažy majstroŭ narodnaj tvorčaści.
Pačatak a 16-j
Muziej arhanizuje tranśfier Minsk — Cimkavičy — Minsk. Kvitki — 35 rubloŭ. Braniravańnie miescaŭ: +375 (17) 363-94-65.
Kvitki možna nabyć u kasie Dziaržaŭnaha muzieja historyi biełaruskaj litaratury (Minsk, vuł. M.Bahdanoviča, 13).
Kamientary