Miesiendžar Telegram zabłakavany ŭ Indyi da 22 červienia na čas pierazdačy abituryjentami ŭstupnych miedycynskich ispytaŭ, paviedamlaje nacyjanalnaje ahienctva Indyi pa teściravańni, jakoje adkazvaje za praviadzieńnie asnoŭnych ustupnych ekzamienaŭ u vyšejšyja navučalnyja ŭstanovy.
«Heta miera pryniata ŭ intaresach hramadskaha paradku ŭ adkaz na arhanizavanaje vykarystańnie płatformy machlarami dla padmanu kandydataŭ, jakija zdajuć ustupny miedycynski ekzamien 21 červienia», — havorycca ŭ zajavie ahienctva.
Pieršapačatkova ispyt pravodziŭsia ŭ mai, adnak jaho vyniki byli admienieny z-za bujnoha skandału z uciečkaj ekzamienacyjnych materyjałaŭ.
Urad Indyi pryniaŭ rašeńnie ab abmiežavańni Telegram na ŭzroŭni płatformy tolki paśla taho, jak inšyja miery, uklučajučy skaardynavanyja vydaleńni, nie zmahli spynić raspaŭsiudžvańnie padroblenych adkazaŭ na pytańni ekzamienu.
U ahienctvie adznačyli, što takich materyjałaŭ niama pa-za ekzamienacyjnaj sistemaj, a abiacańnie ich pradastaŭleńnia źjaŭlajecca machlarstvam.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam7
Kamientary