Pa śladach premii Aniempadystava, jakoj štohod adznačajecca najlepšy knižny dyzajn, vyjšła kniha «Forma prysutnaści. Dvaccać razmoŭ pra knižnuju vokładku».
Navinka vyjšła ŭ vydaviectvie «Połackija Łabirynty» i pryśviečana vizualnaj movie biełaruskaj knihi, jaje estetycy i ludziam, jakija jaje stvarajuć, piša bellit.info.
U knizie — vokładki, historyi, kanteksty i ŭvieś toj praces, jaki robić biełaruskuju knihu paznavalnaj i žyvoj. Vydańnie možna budzie atrymać u padarunak za danat na imprezach Biełaruskaha PENa, jaki jość arhanizataram i inicyjataram Premii Aniempadystava. Taksama z usimi pytańniami možna źviartacca na poštu: [email protected].
Premija imia Michała Aniempadystava ŭručajecca za najlepšy dyzajn knižnaj vokładki. Zasnavana ŭ 2019 hodzie ŭ pamiać pra čałavieka mnohich talentaŭ — mastaka, paeta, fatohrafa, dyzajniera, publicysta, kulturołaha Michała Aniempadystava. Arhanizatary premii — Biełaruski PEN i fond Open Culture.
Kamientary