Vyjdzie pa-biełarusku raman Bredbiery «451 hradus pavodle Farenhiejta»
Vydaviectva «Januškievič» abvieściła papiaredni zakaz na knihu Reja Bredbiery «451 hradus pavodle Farenhiejta» ŭ pierakładzie na biełaruskuju movu.
Pierakłała kultavy tvor Nasta Karnackaja, adredahavała Kaciaryna Macijeŭskaja. Za dyzajn vokładki adkazvała Taćciana Šustava, piša bellit.info.
451° pavodle Farenhiejta — tempieratura, pry jakoj zaharajecca papiera. I nazva adnaho z samych viadomych ramanaŭ Reja Bredbiery, dziejańnie jakoha razhortvajecca ŭ zmročnaj antyŭtapičnaj budučyni.
«Haj Monteh — pažarnik. Jaho praca — źniščać samy zabaronieny tavar: drukavanyja knihi, a razam ź imi i damy, u jakich ich chavajuć. Monteh nikoli nie zadumvajecca pra razbureńnie i spustašeńnie, jakija niasie jaho praca. Štodnia jon viartajecca da svajho adnastajnaha žyćcia i žonki Miłdred, jakaja cełymi dniami bavić čas sa svajoj televizijnaj «siamjoj». Ale ŭsio mianiajecca, kali Monteh znajomicca z ekscentryčnaj maładoj susiedkaj Kłarysaj. Jana adkryvaje jamu minułaje, kali ludzi nie žyli ŭ strachu, i pakazvaje sučasnaść, u jakoj na śviet možna hladzieć praź idei, schavanyja ŭ knihach, a nie praź biessensoŭnuju bałbatniu z televizara. I tady Monteh pačynaje sumniavacca va ŭsim, što dahetul ličyŭ niepachisnaj praŭdaj».
Pačatak prodažaŭ čakajecca 30‑ha vieraśnia. Ciapier možna zamović knihu na sajcie vydaviectva.
Kamientary