Na maršrucie pamiž Minskam i Lidaj źjavilisia maršrutki-pacibasy, paviedamili ŭ pres-słužbie servisu pa prodažy biletaŭ «Atłasbas». Znachodziačysia zvonku, adroźnić navinku ad zvyčajnaha aŭto amal niemahčyma, ale ŭ sałonie abiacajuć zapuścić sapraŭdny fiestyval, piša Tochka.by.
Niezvyčajny transpart vyrašyli zapuścić napiaredadni fiestyvalu Lidbeer. Biełarusam prapanujuć źjeździć u Lidu jašče da taho, jak u horadzie stanie vielmi ludna. Tamu pamiž stalicaj i rajcentram zapuścili zvykłyja maršrutnyja taksi, ale ŭ niezvyčajnym vykanańni.
Sałon aformili tematyčna na ŭzor Lidbeer: firanki, ściažki, prahramy, lampački ciopłaha śviatła i płejlist z samymi viadomymi vykanaŭcami. Taksama kožnaha pasažyra čakajuć suvieniry i pačastunki na fiestyvalnuju temu.
Nabyć kvitok na pacibas možna na sajcie abo ŭ dadatku «Atłasbas». U raskładzie fiestyvalnyja maršrutki vyłučyli śpiecyjalnaj płaškaj.
Arhanizatary taksama papiaredzili: kolkaść fiestyvalnych rejsaŭ i miescaŭ abmiežavanaja, tak što ŭ pacibasie ŭdasca prajechacca nie ŭsim.
Miarkujučy z raskładu, pacibasy jeździać tolki pa vychadnych dniach, a ceny kvitkoŭ zvyčajnych maršrutak i fiestyvalnych nie adroźnivajucca. Jany abyducca na 22 rubli.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary