U Francyi zatrymali biełarusa za špijanaž i sprobu padpału zavoda, jaki vyrablaje bajavyja drony
Zavod Delair, jaki z pačatku vajny pastaŭlaŭ va Ukrainu bieśpiłotniki, u pačatku červienia byŭ zakidany kaktejlami Mołatava. Praz try dni hramadzianin Biełarusi byŭ aryštavany padčas zdymak pratatypa bieśpiłotnika, piša Le Parisien.
Francuzskaja kontrraźviedka praduchiliła mahčymuju dyviersiju na adnym z klučavych pradpryjemstvaŭ vajenna-pramysłovaha kompleksu krainy. Na pačatku červienia zavod kampanii Delair u pryharadzie Tułuzy, jaki aktyŭna pastaŭlaje bajavyja bieśpiłotniki Ukrainie, dvojčy apynuŭsia pad udaram.
Spačatku nieviadomyja zakidali budynak kaktejlami Mołatava. Surjoznaha pažaru nie zdaryłasia tolki tamu, što zapalnaja sumieś nie spracavała.
Užo praz try dni paśla hetaha incydentu, 3 červienia, kala terytoryi zavoda pravaachoŭniki zatrymali hramadzianina Biełarusi.
Mužčynu schapili naŭprost padčas zdymak pratatypa novaha drona, pry hetym jon vykarystoŭvaŭ prasunutaje špijonskaje abstalavańnie.
Jak vyśvietliła śledstva, zatrymanaha i raniej zaŭvažali kala sakretnaha abjekta, a źniatyja materyjały jon užo paśpieŭ adpravić svajmu kurataru ŭ Rasiju.
Paryžskaja prakuratura vystaviła biełarusu aficyjnyja abvinavačańni ŭ zbory i pieradačy zamiežnaj dziaržavie źviestak, zdolnych nanieści škodu fundamientalnym intaresam Francyi. Padazravany źmieščany pad vartu, a francuzskija śpiecsłužby rasśledujuć hety vypadak jak prajavu rasijskaha hibrydnaha ŭmiašańnia.
Kamientary