Miadźviedzieŭ pastaviŭ Łukašenku bratni ŭltymatum

Biełarusi maje piać dzion, kab «kab jany vyznačylisia, jak pavodzić siabie dalej», inakš buduć užytyja «strohija zachady». Padstavaj stała zapazyčanaść za haz, što ŭtvaryłasia za 2010 hod.

Jak zaŭsiody ŭ Rasii, Łukašenka byŭ kamplimientarny i vypramieńvaŭ dobry nastroj. Z Pucinym navat žartavaŭ, što Miadźviedzieŭ jaho nie pakarmiŭ, tamu viačera z premjera.

Haračaje pytańnie biełaruska-rasijskich adnosinaŭ — padpisańnie našaj krainaj Mytnaha sajuza. Jon niavyhadny Biełarusi, bo abmiažoŭvaje ekanamičnuju samastojnaść i stvoryć pieraškody ŭ intehracyi ź ES. Adnak Łukašenku spakušała mahčymaść praciahu enierhietyčnaha hranta ad Maskvy.

Biełaruś nastojvała: kali my padpisvajem Mytny sajuz, nijakich pošlin na enierharesursy być nie moža. Rasija ž prapanuje biazmytnuju naftu tolki na ŭnutrybiełaruskija patreby. Astatniuju — pa rynkavych cenach.

28 maja premjer-ministry Rasii i Kazachstana damovilisia ab uviadzieńni Mytnaha kodeksa na dvuchbakovaj asnovie, bo Siarhiej Sidorski na sustreču nie prybyŭ.

Tym nie mienš, rasijskamu vice-premjeru Iharu Šuvałavu Łukašenka kazaŭ, što «Biełaruś moža pajści na kampramisnyja rašeńni ŭ Mytnym sajuzie pry ŭmovie raŭnapraŭnych i pavažlivych adnosin z boku inšych udzielnikaŭ». Pra mahčymaść padpisańnia havaryŭ i ministr ekanomiki Mikałaj Snapkoŭ.

Sustrečy Łukašenki ŭ Maskvie 11 červienia mahło nie adbycca ŭvohule. U toj dzień prezident Miadźviedzieŭ znachodziŭsia ŭ Taškiencie na samicie Šanchajskaj arhanizacyi, a premjer Uładzimir Pucin vioŭ u Paryžy pieramovy z Sarkazi. Sustreču z Łukašenkam rasijskija lidery pryznačyli na hłyboki viečar, jaki ŭžo pierachodziŭ u noč. Žurnalisty prysutničali tolki pry pieršasnym abmienie replikami.

Pres-słužba Miadźviedzieva paviedamiła, što rasijski bok prapanavaŭ Biełarusi ratyfikavać pahadnieńnie ab Mytnym sajuzie, a pytańnie ab nafcie vyrašać u dvuchbakovym paradku.

Vyhladaje, što Łukašenka nie pahadziŭsia.

Pasoł Rasii Alaksandr Surykaŭ na pres-kanfierencyi ŭ piatnicu pahroźliva namiaknuŭ, što Rasija hatovaja ŭvieści mytny kantrol na miažy ź Biełaruśsiu. «Mytnaja miaža budzie farmavacca pa terytoryi Rasii i Kazachstana z usimi nastupstvami, jakija z hetaha vynikajuć. Jakija składanaści ŭźniknuć pry sprobie jaje [miažu] pierajechać, usim zrazumieła — heta vieterynarnyja, sanitarnyja, mytnyja i inšyja pytańni», — dadaŭ jon.

Narešcie,

u aŭtorak zahavaryŭ Miadźviedzieŭ. Jon sustreŭsia z kiraŭnikom «Hazproma» Alaksiejem Mileram i pastaviŭ Łukašenku ŭltymatum. U piacidzionny termin, «z ulikam taho, što my ź Biełaruśsiu ŭzajemadziejničajem u partniorskim klučy», Biełaruś musić spłacić kala 200 młn dalaraŭ zapazyčanaści za haz, pastaŭleny ŭ 2010 hodzie. «Kali hetaha zroblena nie budzie, tady daviadziecca ŭžyć strohija miery», – skazaŭ Miadźviedzieŭ.

Miadźviedzieŭ adznačyŭ, što Łukašenka tłumačyć niedapłaty «ciažkim finansavym stanoviščam». «Ale, kali ščyra, ciapier usim ciažka», – adrezaŭ Miadźviedzieŭ.

Jak ličyć kiraŭnik «Hazproma», u Biełarusi jość srodki dla apłaty doŭhu, atrymanyja ad prodažu 50% «Biełtranshaza».

Na dumku bolšaści analitykaŭ, Rasija hazavym šantažom choča zahnać Biełaruś u Mytny sajuz.

Nikoli raniej taki kanflikt nie adbyvaŭsia pierad prezidenckimi vybarami ŭ Biełarusi.

«Dobra, što ŭ nas jość čym vajavać», adznačyŭ Łukašenka za niekalki hadzin da zajavy Miadźviedzieva, kali naviedvaŭ śpiecnaz KDB «Alfa».

* * *

Jak zajaviŭ Siarhiej Musijenka, analityk, blizki da łukašenkaŭskaj administracyi, spravakavać zajavu rasijskaha boku mahło mienavita niežadańnie ratyfikavać mytnyja pahadnieńni. Ale praŭdzivaja meta padobnych zajavaŭ — «žadańnie revanšu impieryi»,

Praz pahrozy rasiejskaha boku biełaruskija ŭłady naŭrad ci pojduć na niejkija sastupki.

«Heta ŭžo ŭvachodzić u zvyčku, što my voś zaraz papahražajem i ŭsie spałochajucca. My ŭžo stamilisia ad hetaha. Nu niachaj adklučać», — zajaviŭ Musijenka.

• 0
• 0
• 0
• 0
• 0
• 0
• 0
• 0