«U kamiery pa adčuvańniach hradusaŭ 40. Tualeta niama, staić viadro, jakoje ŭ takuju śpioku prosta fanić jak hrafitavy stryžań na ČAES».
U bližejšyja dni Biełaruś nakryje anamalnaja śpioka, i horš za ŭsio — ludziam u źniavoleńni, piša błohier i były palitviazień Ihar Łosik.
«Hod tamu ŭ hetyja dni ja znachodziŭsia ŭ SIZA KDB. Umovy ŭ kamierach «amierykanki» ŭ śpioku vam prosta nie pieradać. «Dušahubka» — heta jašče miakka skazana. U čatyrochmiesnaj kamiery nas było siamiora. Na vulicu adčyniena tolki nievialikaja fortka. U kalidor adtulina dla vientylacyi zakładziena. U kamiery pa adčuvańniach hradusaŭ 40. Tualeta niama, staić viadro, jakoje ŭ takuju śpioku prosta fanić jak hrafitavy stryžań na ČAES», — zhadvaje ŭ fejsbuku Łosik.
«U našaj pieršaj kamiery vada z krana amal nie ciače. Ale navat kali i ciače, to staraješsia časta kranam nie karystacca, tamu što pačynajuć ciačy ścieny. Kipiacilnikam dla harbaty my prosta pierastali karystacca, bo ŭklučyš adzin raz — na padłozie łužyny ad kandensatu. Dy i pamycca, jak na inšych SIZA, choć by nad tualetam niemahčyma — tualeta niama.
Ludzi nieprytomniejuć, pačynajucca prablemy z sercam. Z-za hetaj situacyi administracyja dazvoliła stavić u kamiery vientylatar, jaki nie skazać kab mocna mianiaŭ situacyju. Prosta haniaje ŭ radyusie mietra haračaje pavietra i ŭsio. Ty bolš spadziaješsia, što dazvolać jaho pakidać uklučanym na noč, ale raptam prychodzić zahad — na noč razietki vyklučać z-za pažarnaj biaśpieki. Spać absalutna niemahčyma, praścina lipnie da cieła, usio ciače, usio śmiardzić, usie stohnuć. Sapraŭdny rassadnik tubierkulozu. Takaja situacyja ŭ kamiery pačynajecca prykładna kali tempieratura na vulicy hradusaŭ 22 i vyšej. Ja nie ŭjaŭlaju, što tam budzie adbyvacca pry +35, jakija buduć dniami».
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
za eto vsio "kuroŝup" PROSTO OBIAZAN OTVIETIŤ I NA SVOJEJ "ŠKURIE"