U Štade na poŭnačy Hiermanii padčas stralaniny zahinuli piać čałaviek
U horadzie Štade, što znachodzicca ŭ Nižniaj Saksonii na poŭnačy Hiermanii adbyłasia stralanina. Palicyja paviedamlaje pra piaciarych zahinułych, piša Bild.
Niamieckaja palicyja i ratavalnyja słužby pravodziać bujnuju apieracyju ŭ Štade. Nad centram horada kružać dva viertaloty. Pradstaŭnik palicyi paćvierdziŭ, što zahinuli piać čałaviek.
Pavodle pieršych danych palicyi, stralanina była ŭ rajonie Dankierštrase. Supracoŭniki zatrymali adnaho padazravanaha. Situacyja dynamičnaja. «Kali łaska, paźbiahajcie hetaha rajona!», — piša palicejskaje ŭpraŭleńnie Lunieburha ŭ X.
Miesca zdareńnia znachodzicca ŭ niepasrednaj blizkaści ad moładzievaj ustanovy. Ci jość siarod achviar taksama dzieci abo padletki, nieviadoma. Niepadalok raźmiaščajecca taksama palicejski ŭčastak Štade.
Pieradhistoryja hetych padziej pakul jašče zusim niezrazumiełaja.
U PAR 12 čałaviek zahinuli padčas vuličnaj stralaniny
«Dumali, bandyty, akazałasia — palicyja». Udzielniki pierastrełki ŭ Polščy raskazali svaju viersiju, ale pytańniaŭ mienš nie stała
«Heta ŭžo adkrytaje prymianieńnie ahniastrelnaj zbroi i hranat». Bierlin achapiła mafijoznaja vajna turecka-kurdskich band
Kamientary