«Heta ŭžo adkrytaje prymianieńnie ahniastrelnaj zbroi i hranat». Bierlin achapiła mafijoznaja vajna turecka-kurdskich band
U Bierlinie ŭzmacniajecca kanflikt pamiž čatyrma turecka-kurdskimi złačynnymi hrupoŭkami, jakija zmahajucca za kantrol nad narkabiznesam.
Pavodle infarmacyi BILD, havorka idzie pra bandy Daltons, Ezgins, Caspers i Sirinler.
U horadzie ŭsio čaściej adbyvajucca stralba z aŭtamabilaŭ, napady z hranatami i ataki na biznes. Tolki ŭ 2025 hodzie ŭ Bierlinie zafiksavali 515 vypadkaŭ stralby.
Kiraŭnik Niamieckaha prafsajuza palicyi Manuel Osterman zajaviŭ, što ŭzrovień hvałtu praciahvaje raści. «Siońnia heta ŭžo nie bojki, a adkrytaje prymianieńnie ahniastrelnaj zbroi i hranat», — skazaŭ jon.
Palicyja papiaredziła, što ŭ Hiermanii moža ŭkaranicca praktyka, jakaja pieršapačatkova źjaviłasia ŭ Šviecyi, kali maładych ludziej najmajuć dla napadaŭ za hrošy. «Kali niechta prapanuje 1000 jeŭra za toje, kab kinuć hranatu ŭ vitrynu, rana ci pozna niechta pahodzicca heta zrabić», — dadaŭ jon.
U adkaz na eskałacyju bierlinskaja palicyja stvaryła śpiecyjalnyja hrupy Ferrum i Telum.
Za try miesiacy Ferrum pačała 260 rasśledavańniaŭ i kanfiskavała 18 bajavych pistaletaŭ, dziesiać traŭmatyčnych i sihnalnych pistaletaŭ, 50 nažoŭ, biejsbolnyja bity i elektrašokiery.
Kamientary