U Biełarusi mohuć abmiežavać pracu muzyčnaha servisu Spotify. Pra heta paviedamiła Ministerstva pa padatkach i zborach, nie nazyvajučy kampaniju pramym tekstam, ale z kantekstu adnaznačna vynikaje, što havorka idzie mienavita pra hety servis.
U viedamstvie zajavili, što šviedskaja kampanija nie vypłaciła padatki z dachodaŭ, atrymanych ad biełaruskich karystalnikaŭ. Z-za hetaha jana trapiła ŭ śpis kampanij, jakija majuć padatkovuju zapazyčanaść, a jaje dziejnaść u Biełarusi moža być abmiežavanaja.
Pavodle infarmacyi Ministerstva pa padatkach i zborach, z kampanijaj pracujuć kala šaści miesiacaŭ, prapanoŭvajučy joj dobraachvotna pahasić doŭh. Kali hetaha nie adbudziecca, mohuć być užytyja miery pa abmiežavańni dostupu da servisu.
U ministerstvie taksama adznačyli, što na biełaruskim rynku jość inšyja zamiežnyja kampanii, jakija vykonvajuć padatkovyja patrabavańni i mohuć prapanavać svaje pasłuhi karystalnikam.
Kali mienavita moža być pryniata rašeńnie ab mahčymym abmiežavańni pracy Spotify, pakul nie paviedamlajecca.
Spotify — heta najbujniejšy ŭ śviecie stryminhavy servis, jaki dazvalaje lehalna słuchać muzyku, padkasty i hladzieć videa ŭ internecie. Jon byŭ stvorany ŭ Šviecyi ŭ 2006 hodzie i całkam źmianiŭ toje, jak ludzi spažyvajuć aŭdyjakantent. Zamiest taho kab spampoŭvać kožnuju pieśniu na pryładu, vy prosta ŭklučajecie jaje anłajn ź vielizarnaj bazy danych (tam užo bolš za 100 miljonaŭ trekaŭ).
Jakija čysta biełaruskija žanry možna znajści na najbolš poŭnaj muzyčnaj karcie śvietu?
Śpiavačka Lera Jaskievič raspaviała, kolki zarablaje ŭ miesiac na muzycy sa stryminhavych płatformaŭ
U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Spotify: Piesień na anhlijskaj u pop-muzycy stanovicca ŭsio mienš
Najlepšyja biełaruskija treki za 2025 hod? Vy budziecie ašałomlenyja
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ6
Kamientary