Dongfeng vypuściŭ śpiecyjalnuju sieryju elektramabilaŭ ź biełaruskim arnamientam
Pieršyja mašyny pakažuć 3 lipienia padčas praŭładnaha aŭtaprabiehu, pryśviečanaha Dniu Niezaležnaści.
U Biełarusi źjaviłasia śpiecyjalnaja sieryja elektramabilaŭ Dongfeng BOX — u kolerach biełaruskaha ściaha i z załatym arnamientam, naniesienym na kapot i dach, paviedamlaje «Anłajnier».
Pieršyja mašyny pakažuć 3 lipienia padčas praŭładnaha aŭtaprabiehu, pryśviečanaha Dniu Niezaležnaści. Kałona nakirujecca da płoščy Pieramohi, dzie projdzie cyrymonija ŭskładańnia kvietak.
Śpiecsieryja ŭklučaje dźvie viersii — u nasyčanym čyrvonym i ciomna-zialonym kolerach. U abodvuch aŭtamabilaŭ bieły dach.
Za asnovu ŭziaty haradski elektramabil Dongfeng BOX. Jon asnaščany elektramatoram mahutnaściu 95 k. s., batarejaj jomistaściu 43,89 kVt·h i, pavodle zajavy vytvorcy, zdolny prajechać da 430 kiłamietraŭ na adnym zaradzie pa cykle CLTC.
U asnaščeńnie madeli ŭvachodziać multymiedyjnaja sistema z 12,8‑calevym ekranam, biespravadnaja zaradka dla smartfona, kresła kiroŭcy z elektrapryvadam, pamiaćciu, padahrevam i vientylacyjaj, a taksama nabor elektronnych asistentaŭ. Siarod ich — adaptyŭny kruiz-kantrol, sistema aŭtamatyčnaj parkoŭki, kruhavy ahlad, utrymańnie ŭ pałasie, aŭtamatyčnaje ekstrannaje tarmažeńnie i raspaznavańnie darožnych znakaŭ.
U kampanii paviedamili, što aŭtamabili sa śpiecyjalnaj sieryi buduć dastupnyja dla kupli paśla 3 lipienia. Košt viersii z nacyjanalnym arnamientam składzie stolki ž, kolki kaštuje standartny Dongfeng BOX.
Ciapier čytajuć
Ź Ministerstva kultury zvolnili pieršaha namieśnika Markava3
Kamientary
Čyrvony na biełym nie było adzinym spałučeńniem, vykarystoŭvaŭsia i čorny, i šmatkalarovyja kambinacyi na pajasach, pościłkach, ale zaraz mienavita prydumvajuć novaje, nie abapirajučysia na tradycyi, biez dušy.
Adzinaja pryjemnaja reč - arnamient zachoŭvaje pryvabnaść i modu.