U 38 hadoŭ pamior sudździa Rob Dypierynk. Raniej FIFA adchiliła jaho ad čempijanatu śvietu z-za abvinavačvańniaŭ u damahalnictvach
Što stała pryčynaj śmierci maładoha mužčyny ź Niderłandaŭ, pakul nieviadoma. Jaho znajšli ŭčora ŭ svaim domie.
Pavodle infarmacyi De Telegraaf, palicyja praviała rasśledavańnie abstavin zdareńnia i vyklučyła datyčnaść trecich asob.
Rob Dypierynk pavinien byŭ pajechać na čempijanat śvietu 2026 hoda ŭ jakaści videaasistenta arbitra (VAR) niderłandskaj bryhady, adnak u krasaviku jaho adchilili ad pracy.
Pryčynaj staŭ skandał: paśla matča Lihi kanfierencyj pamiž «Krystał Pełas» i «Fijarencinaj» (3:0), jaki adbyŭsia ŭ Łondanie, Roba zatrymali pa padazreńni ŭ damahańniach da 17‑hadovaha padletka.
Pavodle paviedamleńniaŭ, sudździa zaviazaŭ razmovu ź junakom u hateli, padčas jakoj dakranaŭsia da jaho i sprabavaŭ zamanić u svoj numar. Dypierynka adpuścili pad zakład, i jon poŭnaściu supracoŭničaŭ sa śledstvam.
Praz dva tydni palicyja zakryła spravu z-za niedachopu dokazaŭ.
Što stała pryčynaj śmierci maładoha mužčyny, pakul nieviadoma.
Rob Dypierynk pracavaŭ arbitram u prafiesijnym futbole Niderłandaŭ z 2012 hoda. Spačatku jon sudziŭ matčy Pieršaha dyvizijona, a z 2017 hoda — i Eredyvizi (vyšejšaj lihi). Taksama jon pracavaŭ na mižnarodnym uzroŭni ŭ bryhadzie VAR padčas čempijanatu Jeŭropy 2024 hoda ŭ Hiermanii.
Dypierynk taksama pavinien byŭ uziać udzieł u čempijanacie śvietu hetym letam u składzie niderłandskaj sudziejskaj bryhady Dani Makieli. Adnak Robu zabaranili ŭjezd paśla jaho aryštu ŭ Łondanie ŭ krasaviku hetaha hoda pa padazreńni ŭ seksualnym hvałcie. Płanavałasia, što jon vierniecca da sudziejstva ŭ nastupnym siezonie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary