Biełaruski PEN abviaściŭ doŭhi śpis premii imia Alesia Adamoviča. Uznaharoda adznačaje tvory i prajekty, jakija dapamahajuć asensoŭvać sučasnaść, zachoŭvajuć pamiać pra klučavyja padziei našaha času i ŭźnimajuć važnyja hramadskija pytańni. Premija taksama ŭšanoŭvaje spadčynu piśmieńnika, hramadskaha dziejača i adnaho z zasnavalnikaŭ Biełaruskaha PENa Alesia Adamoviča.
Sioleta ŭ konkursie premii ŭdzielničali 23 tvory roznych žanraŭ i farmataŭ — mastackaja i dakumientalnaja proza, paezija, žurnalistyka, multymiedyjnyja prajekty i inicyjatyvy vusnaj historyi. Pavodle vynikaŭ hałasavańnia žury sfarmavała doŭhi śpis, u jaki ŭvajšli 13 naminantaŭ.
- Zbornik «Biełaruskija hałasy z Poznani» — Pavieł Zaleski (vydaviectva Skaryna Press, 2025);
- Kniha «Hajd palitźniavoleńnia» — ananimnaja kamanda (prajekt 361.1, 2025);
- Zbornik «Hołas pakaleńnia svabody» — Siarhiej Sašuk (vydaviectva «Połackija łabirynty», 2025);
- Kniha apaviadańniaŭ «Dubovyje jabłački» — Volha Kaściuk (vydaviectva Skaryna Press, 2025);
- Zbornik «Idu da vas, ludzi» — układalnica i redaktarka Alena Kazłova (vydaviectva «Pflaŭmbaŭm», 2025);
- Videa «Kak biełarusy živut pośle tiuŕmy: illuzija svobody» — Alaksandr Ivulin (YouTube-kanał «ČiestnOK», 2025);
- Zbornik «Niaskoranaje pakaleńnie. Hałasy biełaruskaj moładzi 2020-ha» — układalniki Alena Karaścialova, Viktar Šadurski (vydaviectva Skaryna Press, 2025);
- Repartaž «Padlašski trypcich paŭstańnia» — Volha Siamaška (Biełaruskaje Radyjo Racyja, 2025);
- Repartaž «Pamiać u Śvisłačy» — Jurka Laščynski, Jakub Suščynski («Biełaruskaje Radyjo Racyja», 2025);
- Raman «Pientakvantar» — Arciom Šukanaŭ (vydaviectva Gutenberg Publisher, 2025);
- Raman «Słon» — Saša Filipienka (vydaviectva «Gutenberg Publisher», 2025);
- YouTube-kanał intervju «TOK | TALK» — Nasta Roŭda (@TOK_talk, 2025);
- Raman «Ejfaryja» — Maryja Parchimčyk (vydaviectva «Pflaŭmbaŭm», 2025).
Pavodle pravił statuta i rehłamientu, na premiju naminavalisia nie tolki knihi, ale i publicystyčnyja artykuły, padkasty, radyjnyja repartažy, miedyjaprajekty i videacykły.
Łaŭreaty minułaha siezona:
- Za humanistyčnaje asensavańnie biełaruskaha turemnaha dośviedu ź pierśpiektyvy dziaciej represavanych baćkoŭ premiju imia Alesia Adamoviča atrymała Volha Vialička i kniha «Ad dvuch da piatnaccaci: Maja mama ŭ turmie» (vydaviectva Gutenberg Publisher).
- Za śmiełaść i supieražyvańnie va ŭmovach dyskryminacyi i hvałtu ŭhanaravana častka knihi «Cieła taksama archiŭ» aŭtarstva Nasty Mancevič (vydaviectva «Pflaŭmbaŭm»).
- Aproč dźviuch premij, Rada Biełaruskaha PENa ŭhanaravała śpiecyjalnaj adznakaj sajt www.spring96.org pravaabarončaha centra «Viasna» za 25‑hadovaje paśladoŭnaje ŭsiebakovaje aśviatleńnie situacyi z pravami čałavieka ŭ Biełarusi.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary