U kałumbijskim horadzie Kali ratavalniki znajšli žyvym dvuchmiesiačnaje dzicia pad zavałami paśla razburalnaha ziemlatrusu.
Chłopčyk vyžyŭ dziakujučy baćku, jaki hadzinami trymaŭ jaho la hrudziej i svaim ciełam abaraniaŭ ad bietonnych kanstrukcyj, jakija padali, piša Bild.
Padčas pošukavaj apieracyi ratavalniki pačuli płač z-pad abłomkaŭ. Dvoje palicejskich razam ź miascovymi žycharami pačali raźbirać zavały, niahledziačy na niebiaśpieku: pobač adčuvaŭsia mocny pach hazu. Pad abrynutymi plitami jany znajšli mužčynu, jakoha zavaliła abłomkami, ale jon praciahvaŭ pryciskać syna da siabie.
«Jon prasiŭ nas tolki pra adno — nie dać jaho dziciaci pamierci», — raspavioŭ adzin z palicejskich.
Baćka i dvuchmiesiačny Sałamon vyžyli, adnak maci dziciaci i jaho dziadźka pakul ličacca źnikłymi bieź viestak.
Ziemlatrus mahnitudaj 7,4 adbyŭsia ŭ Kałumbii ŭ paniadziełak, 10 žniŭnia. Pavodle aficyjnych źviestak, zahinuli nie mienš za 240 čałaviek, jašče kala 2600 atrymali traŭmy. Ratavalniki praciahvajuć šukać tych, chto vyžyŭ, choć ekśpierty papiaredžvajuć, što paśla 72 hadzin šancy znajści ludziej pad zavałami značna źnižajucca.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary