U Italii znajšli skradzienyja šedeŭry Renuara, Siezana i Macisa. Zatrymanyja dzieviać hramadzian Małdovy
Italjanskaja palicyja znajšła try karciny Renuara, Siezana i Macisa, vykradzienyja ŭ sakaviku z muzieja Fondu Mańjani-Roka pad Parmaj. Pa spravie zatrymanyja dzieviać hramadzian Małdovy. Ahulny košt tvoraŭ aceńvajecca bolš čym u 9 miljonaŭ jeŭra.
U Parmie palicyja znajšła skradzienyja «Ryby» Pjera Ahiusta Renuara, «Naciurmort ź višniami» Pola Siezana i «Adalisku na terasie» Anry Macisa. Karciny znajšli padčas pieratrusu ŭ domie adnaho z padazravanych.
«Ryby» Renuara aceńvajucca prykładna ŭ €3 miljony, «Naciurmort ź višniami» Siezana — u €6 miljonaŭ, a praca Macisa — prykładna ŭ €20 tysiač.
Kradziež adbyŭsia ŭ noč na 23 sakavika. Złamyśniki pranikli ŭ muziej praz raźbitaje akno i mienš čym za try chviliny vynieśli try karciny.
Na videa z kamier nazirańnia vidać, jak dvoje mužčyn z zakrytymi tvarami zdymajuć karciny sa ścien i pieradajuć ich saŭdzielniku, jaki čakaŭ zvonku.
Śledstva praciahvałasia kala piaci miesiacaŭ. Padčas pieratrusaŭ palicyja zatrymała dzieviać hramadzian Małdovy. Piaciarym ź ich vystavili abvinavačańni ŭ niepasrednym udziele ŭ kradziažy. Śledstva taksama źviazvaje hetuju hrupu jak minimum z 14 inšymi kradziažami ŭ rehijonie.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie23
Kamientary
živuŝij s cyhanami,
nie vpadał v zimniuju śpiačku,
tak kak bojałsia,
čtoby jeho nie obokrali.