42‑hadovaja dačka Bryžyt Makron zaviała raman z 22‑hadovym chłopcam
Dačka pieršaj łedzi Francyi Tyfen Aźjer pakazała svajho novaha kachanaha. Jon maładziejšy za jaje na 20 hadoŭ. Amal takaja ž roźnica ŭ hadach i ŭ jaje maci Bryžyt z Emanuelem Makronam.
Pra novyja adnosiny 42‑hadovaj Tyfen Aźjer (Tiphaine Auzière), małodšaj dački Bryžyt Makron ad pieršaha šlubu, piša Le Parisien. Jaje abrańnikam staŭ 22‑hadovy student biznes-škoły Antuan Lokont (Antoine Lecomte).
Historyja pryciahnuła ŭvahu praz paralel z asabistym žyćciom maci Aźjer. Bryžyt Makron starejšaja za svajho muža, prezidenta Francyi Emanuela Makrona, na 24 hady. U vypadku jaje dački roźnica taksama vialikaja: Tyfen na 20 hadoŭ starejšaja za svajho kachanaha.
U kancy žniŭnia padčarka Emanuela Makrona padzialiłasia ŭ sacsietkach kadrami z pajezdki ŭ Amsterdam razam z Antuanam Lokontam. Małady čałaviek taksama apublikavaŭ fota i videa, na jakich jany razam.
Pavodle infarmacyi časopisa Gala, paznajomilisia jany padčas adpačynku ŭ Lo-Tukie — francuzskim kurortnym horadzie, dzie ŭ siamji Makronaŭ jość dom.
Znajomy pary pravioŭ paralel pamiž Tyfen i jaje maci jašče bolš niepasredna: «Jak i Bryžyt, jana słuchaje tolki svajo serca i nie źviartaje ŭvahi na toje, što dumajuć inšyja».
Antuan Lokont rodam ź Lila, vučycca ŭ francuzskaj biznes-škole NEOMA i zachaplajecca kajtsiorfinham. Jon taksama stvaryŭ brend Mission Kiteboarding, jaki zajmajecca ryštunkam dla hetaha vidu sportu.
Tyfen Aźjer pracuje advakatkaj, maje ŭłasnuju jurydyčnuju firmu ŭ Paryžy, a ŭ 2024 hodzie jašče i vydała svoj pieršy raman Assises («Sud prysiažnych»).
Pavodle infarmacyi francuzskich miedyja, adnym z supolnych intaresaŭ pary stała pradprymalnictva. Aźjer i Lokont abmiarkoŭvajuć sumiesnyja prafiesijnyja prajekty, a advakatka, jak śćviardžajecca, źbirajecca supravadžać jaho ŭ Aziju, dzie małady čałaviek raźvivaje svoj biznes.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary