Aplavucha va ŭradavym samalocie. Što mahło vyklikać hnieŭ Bryžyt Makron?
U mai 2025 hoda Emanuel i Bryžyt Makron prybyli ŭ stalicu Vjetnama Chanoj na ŭradavym samalocie. Kamiery zaśniali, jak pieršaja łedzi rezka dakranułasia rukoj da tvaru francuzskaha prezidenta. Mnohija tady ŭspryniali hety žest jak aplavuchu, choć sam Emanuel Makron paźniej nastojvaŭ, što nijakaj svarki pamiž imi nie było. Adnak ciapier aŭtar knihi pra francuzskaha prezidenta śćviardžaje, što pryčynaj napružańnia moh stać flirt Makrona ź viadomaj aktrysaj.
Pavodle žurnalista vydańnia Paris Match Fłaryjana Tardzifa, jaki napisaŭ knihu «(Amal) idealnaja para» («Un couple (presque) parfait»), Emanuel Makron ciaham niekalkich miesiacaŭ padtrymlivaŭ «płataničnyja adnosiny» ź iranskaj aktrysaj Halšyfte Farachani. Aŭtar nieadnarazova čuŭ pra heta ad ludziej z atačeńnia aktrysy.
Pa słovach Tardzifa, pierapiska pamiž francuzskim prezidentam i Farachani była davoli asabistaj. U paviedamleńniach nibyta byli kamplimienty adnosna źniešnaści aktrysy, a sama kamunikacyja «zajšła davoli daloka». Svarka ŭ samalocie nibyta adbyłasia paśla taho, jak Bryžyt Makron pračytała paviedamleńnie ad aktrysy ŭ telefonie prezidenta.
Atačeńnie Bryžyt Makron u sieradu, 13 maja, u kamientary dla Le Parisien zajaviła, što pieršaja łedzi jašče 5 sakavika ŭ asabistaj razmovie z aŭtaram knihi kateharyčna abvierhła hetuju viersiju i padkreśliła, što nikoli nie zahladvaje ŭ mabilny telefon muža. Hetuju detal, jak śćviardžajuć u Jelisiejskim pałacy, aŭtar knihi navat nie apublikavaŭ.
Sam Emanuel Makron paśla incydentu taksama nastojvaŭ, što nijakaj svarki nie było. Prezident Francyi śćviardžaŭ, što jany z žonkaj prosta žartavali, jak robiać heta časta.
Jak piša Tagesspiegel, u knizie Tardzif taksama zakranaje temu adnosin pary napiaredadni zakančeńnia druhoha prezidenckaha terminu Makrona. Pavodle žurnalista, muž i žonka pa-roznamu ŭjaŭlajuć sabie žyćcio paśla Jelisiejskaha pałaca.
Bryžyt Makron, jakoj chutka spoŭnicca 75 hadoŭ, nibyta choča pryśviacić bolš času dzieciam i ŭnukam. Pavodle Tardzifa, jana maryć pra spakojnaje žyćcio ŭ domie kala mora. Sam ža prezident, naadvarot, nibyta nie admoviŭsia ad palityčnych ambicyj i ŭžo dumaje pra mahčymaść viartańnia na vybary 2032 hoda, kali francuzskaja kanstytucyja dazvolić jamu znoŭ bałatavacca.
Žurnalist taksama śćviardžaje, što ŭpłyŭ Bryžyt Makron na muža ŭ apošni čas prykmietna asłab. Kali raniej jana była amal adzinym čałaviekam, chto moh adkryta krytykavać prezidenta, to ciapier, pavodle słoŭ Tardzifa, Makron usio radziej prysłuchoŭvajecca da jaje mierkavańnia.
Žurnalist taksama adznačaje, što vialikaja roźnica va ŭzroście pamiž Emanuelem i Bryžyt Makron, jakaja doŭhi čas nie vyhladała prablemaj, ciapier moža pačynać upłyvać na ich adnosiny.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary