Keli Osbarn paśla śmierci svajho baćki Ozi Osbarna tak schudnieła, što sama siabie nie paznavała
«Ja nadzieła paryk na «Hremi», kab schavać tvar».
Śpiavačka i aktorka Keli Osbarn paśla śmierci svajho baćki Ozi Osbarna tak schudnieła, što sama siabie nie paznavała.
41‑hadovaja Keli skazała ŭ intervju The Mail on Sunday, što nie viedała, nakolki chudoj jana stała ŭ 2025 hodzie, pakul nie ŭbačyła svaju fatahrafiju na prymiercy da cyrymonii «Hremi» 2026 hoda.
«Ja vyhladała jak čortaŭ Zachavalnik sklepu», — apisała svaje emocyi Keli (majecca na ŭvazie piersanaž z chorara «Kazki sa sklepu»).
«Ja skazała: «Heta strašna. Ja nie viedała, što vyhladaju voś tak». Moj chrybiet — možna było razhledzieć kožnuju kostačku. Ja nie bačyła taho, što bačyli inšyja ludzi, bo mnie było tak baluča. Ja prosta bačyła złamanaha čałavieka».
Kamanda Keli sprabavała padabrać joj ubor da cyrymonii «Hremi», kab jana nie vyhladała jašče bolš chudoj. «Ja nadzieła paryk, kab schavać tvar, tak što vy nie mahli bačyć, jakija ŭ mianie na samaj spravie vuzkija skuły».
«Mnie było strašna. Ja chacieła być tam, kab padtrymać svaju mamu i addać pašanu spadčynie baćki, [ale] ja nie dumaju, što mnie varta było iści. Ja była nie vielmi zdarovaja», — dadała jana.
Kažučy pra stratu baćki, Keli adznačyła: «Ty napoŭnieny takim bolem, što pačućcio hoładu navat nie moža źjavicca».
Viadomy rok-muzykant Ozi Osbarn pamior 22 lipienia 2025 hoda, mienš čym praz try tydni paśla svajho apošniaha vystupu z udzielnikami Black Sabbath. Aficyjnaja pryčyna śmierci — vostry infarkt mijakarda i spynieńnie serca.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary