Кэлі Осбарн пасля смерці свайго бацькі Озі Осбарна так схуднела, што сама сябе не пазнавала
«Я надзела парык на «Грэмі», каб схаваць твар».
Спявачка і акторка Кэлі Осбарн пасля смерці свайго бацькі Озі Осбарна так схуднела, што сама сябе не пазнавала.
41‑гадовая Кэлі сказала ў інтэрв'ю The Mail on Sunday, што не ведала, наколькі худой яна стала ў 2025 годзе, пакуль не ўбачыла сваю фатаграфію на прымерцы да цырымоніі «Грэмі» 2026 года.
«Я выглядала як чортаў Захавальнік склепу», — апісала свае эмоцыі Кэлі (маецца на ўвазе персанаж з хорара «Казкі са склепу»).
«Я сказала: «Гэта страшна. Я не ведала, што выглядаю вось так». Мой хрыбет — можна было разгледзець кожную костачку. Я не бачыла таго, што бачылі іншыя людзі, бо мне было так балюча. Я проста бачыла зламанага чалавека».
Каманда Кэлі спрабавала падабраць ёй убор да цырымоніі «Грэмі», каб яна не выглядала яшчэ больш худой. «Я надзела парык, каб схаваць твар, так што вы не маглі бачыць, якія ў мяне на самай справе вузкія скулы».
«Мне было страшна. Я хацела быць там, каб падтрымаць сваю маму і аддаць пашану спадчыне бацькі, [але] я не думаю, што мне варта было ісці. Я была не вельмі здаровая», — дадала яна.
Кажучы пра страту бацькі, Кэлі адзначыла: «Ты напоўнены такім болем, што пачуццё голаду нават не можа з'явіцца».
Вядомы рок-музыкант Озі Осбарн памёр 22 ліпеня 2025 года, менш чым праз тры тыдні пасля свайго апошняга выступу з удзельнікамі Black Sabbath. Афіцыйная прычына смерці — востры інфаркт міякарда і спыненне сэрца.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары