Najbližejšyja niekalki tydniaŭ Ukraina razam z Francyjaj, Hiermanijaj i Vialikabrytanijaj budzie rychtavać umovy, na jakich prapanujecca pravieści dalejšyja pieramovy z Rasijaj ab zakančeńni vajny i ŭstalavańni miru. Pra heta «Jeŭrapiejskaj praŭdzie» paviedamiła krynica ŭ Jelisiejskim pałacy.
Padstavaj dla pačatku takoj pracy stali pieramovy amierykanskich śpiecpradstaŭnikoŭ Styva Uitkafa i Džareda Kušniera z prezidentam Rasii Uładzimiram Pucinym, a taksama ich sustreča ŭ Kijevie 6 vieraśnia z pradstaŭnikami Ukrainy, Francyi, Hiermanii i Vialikabrytanii.
Daradca prezidenta Francyi Emanuela Makrona pa pytańniach biaśpieki Emanuel Bon razam z kalehami z Hiermanii i Vialikabrytanii atrymaŭ ad amierykancaŭ infarmacyju pra ich razmovu z Pucinym. Pavodle infarmacyi krynicy «Jeŭrapiejskaj praŭdy», Uitkaf i Kušnier dali zrazumieć, što paśla vybaraŭ u Dziaržaŭnuju dumu Rasii Maskva nibyta moža prajavić novuju hatoŭnaść da pieramoŭ. Adnak kankretnych paramietraŭ mahčymaj damoŭlenaści jany nie nazvali.
Padčas sustrečy jeŭrapiejskija pradstaŭniki, uzhadniŭšy pazicyju z Ukrainaj, ahučyli ŭłasnyja patrabavańni. Siarod asnoŭnych pytańniaŭ — harantyi biaśpieki dla Ukrainy, jaje terytoryi i budučy režym sankcyj suprać Rasii.
Daradcy ŭ nacyjanalnaj biaśpiecy Francyi, Hiermanii i Vialikabrytanii damovilisia padtrymlivać pastajannuju suviaź u nastupnyja tydni i razam z ukrainskim bokam raspracavać dakładnyja ŭmovy budučych pieramoŭ. Meta — damahčysia tryvałaha i doŭhaterminovaha miru dla Ukrainy.
Paśla sustrečy z Uitkafam i Kušnieram prezident Ukrainy Uładzimir Zialenski taksama zajaviŭ pra padrychtoŭku nastupnych sustreč i dalejšyja kantakty. Pavodle jaho słoŭ, padčas pieramoŭ u Kijevie byli prapanavanyja niekalki novych idej adnosna budučaha pieramoŭnaha pracesu. Baki taksama damovilisia najbližejšym časam znoŭ sustrecca ŭ farmacie Ukraina — ZŠA — Jeŭropa.
Raniej Uitkaf zajaŭlaŭ, što hałoŭnaj zadačaj amierykanskaj delehacyi padčas pajezdki ŭ Kijeŭ i Maskvu było «zblizić baki».
U Maskvie i Kijevie prakamientavali vizit Uitkafa i Kušniera
Tramp siońnia budzie razmaŭlać ź Zialenskim i Pucinym
Zialenski raskazaŭ pra pieramovy z pasłancami Trampa
Uitkaf i Kušnier acanili sustreču ŭ Kijevie. Zialenski padaryŭ im futbołki z nadpisam «Kijivśkij riežim»
Uitkaf i Kušnier upieršyniu pryjechali va Ukrainu
Uitkafa i Kušniera ŭ Maskvie supravadžaŭ adkazny za sankcyi čynoŭnik Minfina ZŠA
Pucin na pieramovach z pasłańnikami Trampa zajaviŭ, što «paśpiachova prasoŭvajecca» va Ukrainie i dabjecca «metaŭ SVA»
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary
Priezidient nie možiet oficialno vstriečaťsia s dvumia častnymi licami nie upołnomočiennymi konhriessom.
Oni nie pieriehovorŝiki, skorieje honcy.
Eto nie pieriehovory, nie vvoditie ludiej v zabłuždienije.