U administracyi Donalda Trampa razhladajuć mahčymaść admovicca ad udziełu śpiecpasłańnika Styva Uitkafa i ziacia prezidenta Džareda Kušniera ŭ pieramovach ab spynieńni vajny va Ukrainie. Pra heta Financial Times paviedamili piać čałaviek, znajomych z płanami.
Uitkaf za čas svajoj pracy vosiem razoŭ naviedvaŭ Maskvu i tolki adzin raz — Kijeŭ, adnak istotnaha prahresu jamu dasiahnuć nie ŭdałosia. Ciapier, pavodle infarmacyi amierykanskich čynoŭnikaŭ, asnoŭnuju rolu ŭ tak zvanaj «čaŭnočnaj dypłamatyi» moža ŭziać na siabie dyrektar CRU Džon Retklif. Pry hetym jon praciahnie kantakty z pradstaŭnikami rasijskich i ŭkrainskich śpiecsłužbaŭ.
Bieły dom i CRU nie stali kamientavać mahčymyja pierastanoŭki. Krynicy vydańnia padkreślivajuć, što Tramp pakul nie pryniaŭ kančatkovaha rašeńnia. Adnak mahčymaść adchileńnia Uitkafa ŭžo stanoŭča ŭspryniali ŭ niekatorych jeŭrapiejskich stalicach, dzie čakajuć choć niejkaha vyniku paśla praciahłych biespaśpiachovych pieramoŭ z Maskvoj.
Pavodle krynic FT, u Kramli taksama mohuć być hatovyja razhledzieć inšy padychod ZŠA. U Maskvie Uitkafa častkova ličać adkaznym za adsutnaść praryvu padčas sustrečy Uładzimira Pucina i Donalda Trampa na Alascy ŭ žniŭni 2025 hoda. Pavodle hetaj viersii, Uitkaf pierakanaŭ Trampa, što Pucin hatovy pajści na peŭnyja kampramisy, ale padčas sustrečy rasijski lidar znoŭ ahučyŭ raniejšyja patrabavańni.
U Kijevie, u svaju čarhu, ličać, što amierykanski śpiecpasłańnik nie akazaŭ dastatkovaha cisku na Pucina, kab toj źmiakčyŭ svaju pazicyju.
Paśla pravału čarhovaj sproby damovicca ŭ kancy lutaha administracyja ZŠA ŭžo razhladała mahčymaść pierafarmatavać pieramoŭnuju kamandu. Adnak hetyja płany byli adkładzienyja, kali Vašynhton byŭ całkam zasiarodžany na vajnie ź Iranam.
U vyniku pamiž Retklifam i Uitkafam uźnikła kankurencyja za ŭpłyŭ na pieramoŭny praces. Niezadoŭha da apošniaha vizitu amierykanskich śpiecpasłańnikaŭ u Maskvu Retklif sam niečakana naviedaŭ Rasiju. Pavodle infarmacyi krynic The Washington Post, hety vizit nie zrabiŭ na Pucina stanoŭčaha ŭražańnia, a rasijski bok uspryniaŭ jaho jak prykmietu słabaści ZŠA.
Apošni vizit Uitkafa i Kušniera ŭ Maskvu taksama nie daŭ prykmietnaha vyniku. Adzin ź ludziej, znajomych ź pieramovami pamiž Maskvoj i Kijevam, adznačyŭ, što dla vyrašeńnia takoha składanaha kanfliktu nieabchodnaja pastajannaja i dobra arhanizavanaja praca pa kožnym pytańni, a ciapierašniaha padychodu, na jaho dumku, dla hetaha niedastatkova.
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
ZŠA i Jeŭropa nie spadziajucca damovicca z Pucinym i rychtujucca da praciahłaj vajny
Stali viadomyja detali pieramoŭ z Uitkafam i Kušnieram u Kijevie
Uitkaf i Kušnier acanili sustreču ŭ Kijevie. Zialenski padaryŭ im futbołki z nadpisam «Kijivśkij riežim»
Pucin na pieramovach z pasłańnikami Trampa zajaviŭ, što «paśpiachova prasoŭvajecca» va Ukrainie i dabjecca «metaŭ SVA»
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary
On nie imiejet navykov viedienija dipłomatičieskich pieriehovorov i nie sposobien na eto, horazdo vierojatnieje, čto jeho ciel - obsuždať, a potom razrabotať schiematoz dla obohaŝienija bossa i siebia-lubimoho.