Futbolny biznes Lijanela Miesi: arhienciniec kuplaje ŭžo druhi ispanski kłub
Kłub ispanskaj druhoj lihi «Eldensie» paviedamiŭ, što lehiendarny arhiencinski futbalist Lijanel Miesi dasiahnuŭ «papiaredniaj damoŭlenaści» ab tym, kab stać mažarytarnym akcyjanieram kłuba, piša Bi-bi-si.
«Eldensie» stanie druhim ispanskim kłubam, u jaki inviestavaŭ Miesi: u krasaviku jon nabyŭ katałonski kłub «Karnielja».
«Ź Lijanelem Miesi dasiahnutaja papiaredniaja damoŭlenaść ab nabyćci akcyj, jakija ciapier naležać Grupo TH Soluciones, što zrobić jaho mažarytarnym akcyjanieram kłuba, — havorycca ŭ paviedamleńni «Eldensie». — Ździełka ciapier zaležyć ad zakančeńnia astatnich jurydyčnych i dahavornych pracedur, uklučajučy praces kompleksnaj pravierki, a taksama atrymańnia nieabchodnaha dazvołu ad Nacyjanalnaha savieta pa sporcie Ispanii (CSD)».
Kłub z Alikante nabraŭ dva bały ŭ čatyroch matčach hetaha siezona i, zajmajučy 20‑ie miesca ŭ Ła Lizie 2, u pačatku hetaha tydnia rasstaŭsia z hałoŭnym trenieram Kłaŭdya Barahanam. Letaś kłub zaniaŭ druhoje miesca ŭ trecim dyvizijonie (tersery) i pajšoŭ na pavyšeńnie. «Eldensie» nikoli nie hulaŭ u vyšejšym dyvizijonie.
«Karnielja» vystupaje ŭ piatym dyvizijonie ispanskaha futboła i ŭ krasaviku zajaviła, što nabyćcio Miesi «ŭmacoŭvaje jaho ščylnyja suviazi z «Barsiełonaj» i jaho prychilnaść da raźvićcia sportu i miascovych talentaŭ u Katałonii».
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary