Футбольны бізнэс Ліянэля Месі: аргенцінец купляе ўжо другі іспанскі клуб
Клуб іспанскай другой лігі «Эльдэнсе» паведаміў, што легендарны аргенцінскі футбаліст Ліянэль Месі дасягнуў «папярэдняй дамоўленасці» аб тым, каб стаць мажарытарным акцыянерам клуба, піша Бі-бі-сі.
«Эльдэнсе» стане другім іспанскім клубам, у які інвеставаў Месі: у красавіку ён набыў каталонскі клуб «Карнелья».
«З Ліянэлем Месі дасягнутая папярэдняя дамоўленасць аб набыцці акцый, якія цяпер належаць Grupo TH Soluciones, што зробіць яго мажарытарным акцыянерам клуба, — гаворыцца ў паведамленні «Эльдэнсе». — Здзелка цяпер залежыць ад заканчэння астатніх юрыдычных і дагаворных працэдур, уключаючы працэс комплекснай праверкі, а таксама атрымання неабходнага дазволу ад Нацыянальнага савета па спорце Іспаніі (CSD)».
Клуб з Алікантэ набраў два балы ў чатырох матчах гэтага сезона і, займаючы 20‑е месца ў Ла Лізе 2, у пачатку гэтага тыдня расстаўся з галоўным трэнерам Клаўдыа Бараганам. Летась клуб заняў другое месца ў трэцім дывізіёне (тэрсэры) і пайшоў на павышэнне. «Эльдэнсе» ніколі не гуляў у вышэйшым дывізіёне.
«Карнелья» выступае ў пятым дывізіёне іспанскага футбола і ў красавіку заявіла, што набыццё Месі «ўмацоўвае яго шчыльныя сувязі з «Барселонай» і яго прыхільнасць да развіцця спорту і мясцовых талентаў у Каталоніі».
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары