Suśvietny rynak bulby aceńvajecca ŭ miljardy dalaraŭ. U 2025 hodzie syroj bulby ŭ śviecie pradali na $6,8 miljarda, a hatovaj i zamarožanaj, u tym liku bulby fry, — jašče na $17,45 miljarda, paviedamlaje World’s Top Exports.
Siarod eksparcioraŭ syroj, nieapracavanaj bulby ŭ 2025 hodzie lidziravali Niderłandy — $1,3 miljarda. Na druhim miescy była Francyja z $1,2 miljarda, na trecim — Hiermanija z $746,2 miljona.
Dalej u śpisie išli Jehipiet — $524,1 miljona, Kanada — $381,4 miljona, Kitaj — $378,8 miljona, ZŠA — $346,1 miljona, Bielhija — $293,9 miljona, Pakistan — $189,4 miljona i Vialikabrytanija — $182,5 miljona. Na hetyja dziesiać krain prypadaje amal 90% suśvietnaha ekspartu syroj bulby.
Niekatoryja krainy za hod istotna pavialičyli pastaŭki. Naprykład, ekspart Kienii vyras na 1113%, Kitaja — na 56,4%, Pakistana — na 34%. U toj ža čas Italija, Ispanija i Indyja skaracili ekspart.
Na rynku hatovaj i zamarožanaj bulby, u tym liku bulby fry, lidar inšy. Pieršaje miesca zajmaje Bielhija, jakaja ŭ 2025 hodzie ekspartavała takoj pradukcyi na $4,5 miljarda — kala čverci ŭsiaho suśvietnaha ekspartu.
Za Bielhijaj iduć Niderłandy z $3,3 miljarda, Kanada — $2,2 miljarda, ZŠA — $1,8 miljarda i Francyja — $1,2 miljarda.
Najbolš chutka ŭ hetym siehmiencie raście ekspart Kitaja — na 53,1%, Indyi — na 35,6% i Jehipta — na 18,1%. Turcyja, Vialikabrytanija i Kanada, naadvarot, krychu skaracili svaje pazicyi.
Biełaruś u suśvietny rejtynh najbujniejšych eksparcioraŭ bulby nie ŭvachodzić, ale dla jaje važnym rynkam zastajecca Rasija. Pry hetym biełaruskija pastaŭki tudy prykmietna skaracilisia. Za pieršyja piać miesiacaŭ 2025 hoda Biełaruś ekspartavała ŭ Rasiju 32 tysiačy ton bulby suprać 63,9 tysiačy ton za taki ž pieryjad 2024 hoda. Takim čynam, abjom pastavak źmienšyŭsia amal udvaja.
Pry hetym pa vynikach usiaho 2024 hoda Biełaruś była hałoŭnym pastaŭščykom bulby ŭ Rasiju — 201,2 tysiačy ton, što na 60% bolš, čym hodam raniej.
Ahulny impart bulby ŭ Rasiju za pieršyja piać miesiacaŭ 2025 hoda skłaŭ 548,1 tysiačy ton — u 3,3 raza bolš, čym za anałahičny pieryjad papiaredniaha hoda.
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary
Bu-ha-ha-ha. Niezaležniki chrenavy!
Kruchmalu ú joj bolej čymsia pałova vahi .