120 hadoŭ tamu vyjšaŭ pieršy numar pieršaj lehalnaj biełaruskaj haziety
«Naša dola» stała pravobrazam «Našaj Nivy».
14 vieraśnia 1906 hoda pa novym styli ŭ Vilni vyjšaŭ pieršy numar haziety «Naša Dola». Heta była pieršaja hazieta na biełaruskaj movie, što vydavałasia lehalna.
Jana mieła poŭnuju nazvu takuju: «Naša dola Pieršaja biełaruskaja hazieta dla viaskovaha i haradskoha rabočaha naroda. Vychodzić raz u tydzień ruskimi i polskimi litarami».
Razavy tyraž pieršaha numaru skłaŭ 10 tys. asobnikaŭ.
Pačatkovy skład redakcyi hetaj haziety byŭ nievialiki: braty Ivan i Anton Łuckievičy, Fieliks Umiastoŭski, Ałaiza Paškievič (Ciotka). Redaktarami paznačalisia I. Tukierkies i A. Hiedviła.
U prahramnym artykule «Da čytačoŭ» hazieta vystupiła za ŭdzieł u revalucyjnym ruchu, sacyjalnuju i nacyjanalnuju svabodu, raźvićcio kłasavaj samaśviadomaści rabočych i sialan, aśvietu na rodnaj movie.
Vyjšła 6 numaroŭ. Na hazietu nieadnarazova nakładvaŭsia aryšt, a redaktar pryciahvaŭsia da kryminalnaj adkaznaści. Ahułam čatyry numary byli kanfiskavanyja.
U vyniku šosty numar staŭ apošnim. I 23 listapada (10 listapada pa starym styli) 1906 hoda vyjšaŭ pieršy numar «Našaj Nivy».
-
Vyjšaŭ dapoŭnieny raman Alesia Paškieviča pra Duboŭku
-
«Treba kryčać, što my jość, my byli i praciahvajem isnavać». Teatralny krytyk Nastaśsia Pankratava — pra svaju knihu i biełaruski teatr da i paśla 2020 hoda
-
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu
Kamientary
u nas tut prazdnik kožny dzień
tolki dzień horada adhulali, jak užo niejki dzień narodnaha adzinstva rekłamujuć
a što heta? z kim adzinstva? z Rasiejaj štole?